影片
更多
2020-06-28
299 浏览
今日同男朋友喺旺角行街行到10点几先肚饿，于是谂住去油麻地揾食，行过呢间私房菜，店员好殷勤话呢间舖头系新开，10点之后宵夜时段仲有特价，见到都几多人嗌小菜饮酒，于是试吓。呢张就系宵夜餐牌，同正价餐牌格格价，净系豉椒炒蚬都平$20，确系抵食！而家新开张仲送小食，梗系要嗌支大蓝妹啤啤佢！见到碟小食份量咁多已经有赚咗嘅感觉，凉菜有芫荽、蒜头、辣椒调味，惹味到不得之好！一开始已经食唔停口。店员力推招牌菜冰镇鲜果黑豚咕噜肉，一上菜已经哗一声！啲干冰烟真系谋杀菲林！食入口真系惊为天人，系我食过最好食嘅咕噜肉！首先唔会好似一旧炸粉沾满甜酸酱，立痴痴、硬骨骨，而系薄薄一层啱啱好，啱啱煮好嘅咕噜肉用冰镇着，糖浆即时冷却，更加脆口。猪肉好嫩滑，同炸粉相连，一脆一嫩，送饭一流！值得一提嘅系连啲鲜果都好好食！种着好有心，出嚟问我哋觉得点，佢仲话佢哋唔系用一般炸粉，而系用米糠包住黑豚肉，同一般餐厅做法唔同，咁有心思，难怪咁好食！师傅话同一做法酒店要三百几蚊，呢度只系$148！真心大推。呢个酥炸蚝饼，炸得劲靓，一睇就知好食，一样系炸粉唔会过厚，亦都唔会过分油腻，真系好酥脆。好食过好多潮州老店。因为好钟意食咸蛋嘅关
呢张就系宵夜餐牌，同正价餐牌格格价，净系豉椒炒蚬都平$20，确系抵食！而家新开张仲送小食，梗系要嗌支大蓝妹啤啤佢！
见到碟小食份量咁多已经有赚咗嘅感觉，凉菜有芫荽、蒜头、辣椒调味，惹味到不得之好！一开始已经食唔停口。
店员力推招牌菜冰镇鲜果黑豚咕噜肉，一上菜已经哗一声！啲干冰烟真系谋杀菲林！食入口真系惊为天人，系我食过最好食嘅咕噜肉！首先唔会好似一旧炸粉沾满甜酸酱，立痴痴、硬骨骨，而系薄薄一层啱啱好，啱啱煮好嘅咕噜肉用冰镇着，糖浆即时冷却，更加脆口。猪肉好嫩滑，同炸粉相连，一脆一嫩，送饭一流！值得一提嘅系连啲鲜果都好好食！种着好有心，出嚟问我哋觉得点，佢仲话佢哋唔系用一般炸粉，而系用米糠包住黑豚肉，同一般餐厅做法唔同，咁有心思，难怪咁好食！师傅话同一做法酒店要三百几蚊，呢度只系$148！真心大推。
呢个酥炸蚝饼，炸得劲靓，一睇就知好食，一样系炸粉唔会过厚，亦都唔会过分油腻，真系好酥脆。好食过好多潮州老店。
因为好钟意食咸蛋嘅关系，忍唔住又叫埋黄金虾，炸到蛋浆包得啱啱好，唔会太湿太干！最令我欣赏嘅系佢搣走晒虾脚、触须同眼，唔使你落手搣咁麻烦，可以成只就咁夹嚟食！哈哈都算正常size，肉质好爽！
食咗咁多炸嘢，梗系要食返啲菜，叫咗个咸鱼蓉飞天通菜煲，镬气十足，啲菜煮得啱啱好，好嫩，唔会食到有渣，而且唔会成口油，煮得啱啱好。
总括而言，嗌左四味𩠌，四味都好好食，系我近年食过最好食嘅小菜，而且价钱一啲都唔贵，宵夜时段仲有特价，同三五知己嚟饮酒食小菜真系一种享受。
10日前先开张，种着同啲店员都好紧张食蟹嘅意见，好用心介绍啲菜式，比到我哋宾至如归嘅感觉，而家好少食店咁用心，总厨仲带我地上2楼睇睇宴会厅，仲同我地介绍有私房菜食，菜单好吸引最平只系三百几蚊一位，有机会一定要来支持下！
张贴
