三不館車仔麵 (廣福道)

营业中

休息中

去完铁路博物馆，个仔话要揾啲特别嘅地方食下午茶，忽然想起最近网上介绍过呢度就即管揾下。原来呢间车仔面离铁路博物馆大概10分钟脚程。呢度喺大街好容易揾到。一坐低个仔已经急不及待攞张菜单自己划，佢第一个反应系揾唔到，原来呢度用彩色设计靓靓嘅纸，同好多度唔同，仲有，呢度系用老师写白板嘅粗水笔，真系好过隐。食物系少有好味嘅车仔面，个仔自己一碗，我地两公婆一碗加小食。两碗面有辣有唔辣，仔唔辣果碗系清汤，加上小朋友最爱嘅牛丸蟹柳果啲送，我地想掂都唔比掂，即系应该好好味，下次要试下先。我两公婆果碗麻辣就好香，食晒都仲好想食。小食嘅口水鸡加上枱面嘅金牌辣椒酱劲好味，尖椒够香够辣，又另一好味。最后下午茶变晚餐，返到屋企饱到上心口。值得推荐喺枱面嘅金牌麻辣酱，劲香，不过可惜唔够辣……