稻香超級漁港 (南豐廣場) (已結業)

今日星期日, 度度都排长龙...终于俾我揾到间唔驶排队...所以即刻同肥妹仔冲左入去!!我地好耐无试过两口子饮茶喇!!不过原来稻香真系高科技左好多!!我同肥妹仔都吓左一跳...而家叫点心原来要用APPS!!唔系写纸架喇, 我地写完纸仲俾姐姐话...之后原来加水系自动, 唔驶再叫人黎!!按个掣就得, 真系大乡里...不过讲真点心食物真系退左步...好似萝卜糕, 同山竹牛肉真系麻麻...山竹牛肉完全用机打出黎,粒粒圆碌碌, 同自己买返去蒸既无分别...都唔系师傅自己用手"吱"出黎...咬落去无咬口, 无根性, 一旧肉丸咁, 失败!!至于萝卜糕咬落系一旧粉... 都系好麻麻!!肠粉同烧卖会好D, 正常野黎!!不过贴心提示, 粉果同蒸饭都唔好叫...真心伏, 可能出面买果D叮叮点心仲好过佢!!其实好耐无帮衬过稻香,估唔到差左咁多...