HeSheEat (綠楊坊) (已結業)

今日咗朋友去荃湾地铁嘅绿杨坊吃晚饭，𠮶度有间餐厅叫HeSheEat，地点非常方便就喺地铁隔离。 餐厅装修都比较型格。首先头盘就叫咗个烤鸡肉沙律，啲鸡肉好嫩外面就有烧烤嘅味道 ，而且肉质唔会烤到好干身， 沙律当然菜都系好重要，啲菜好新鲜口感上好爽。烧BB猪肋骨配日式薯仔沙律， 猪肋骨味道唔错，配埋香草喺里面味道大大提升，但最重要系啲肉同啲骨一切落去就分离，配埋薯仔沙律吃落就唔会觉得太肥腻。辣肉肠墨鱼汁意粉，喜欢吃浓味嘅嘢辣肉肠就最啱，啲意粉好弹牙而且有好重嘅墨鱼汁味， 我个人嚟讲真系不错。单骨蜜糖芥末鸡翼，啲鸡翼内嫩外脆 ，由于单骨食落比较容易，配埋芥末味道就更加突出。甜品有日式紫薯牛角包窝夫， 味道唔会太甜而且窝夫本身外脆配埋雪糕吃口感上有内冻外暖嘅感觉。宁治抹茶士多啤梨鲜奶配抹茶雪糕，依杯饮品可以享受晒三种嘅味道，最重要唔会太甜。 还有白桃乌龙茶啲白桃配埋乌龙茶一齐饮 ，茶味就更加突出。