Youniqueed (已結業)

今日经过加连威老道，就黎左呢度食早餐，同埋叹返杯回魂啡，呢度有格调既黑白设计既装修，简洁舒服，坐位唔算多，多数两坐位，干净整洁，最衰之后要返工，如果唔系可以坐耐啲都真系几chill。食物即叫即整，我叫左Long Black 同All day breakfast，份量都多，新鲜热辣，食完充满Energy！Long black☕️-多数餐厅都系提供Americano,呢度有long black,我就拣左，系将特浓咖啡加到热水之中，系同Americano做法刚好相反，咁样可以保留咖啡的油脂，味道较Americano浓厚，出来的味道亦稍有不同。All day breakfast-好丰富，有法式多士，纽伦堡肠，烟肉🥓，猪柳汉堡扒，蕃茄🍅，蘑菇炒滑蛋，牛油粟米🌽同沙律菜，仲有只好可爱既蕃茄小兔子🐰，脆皮肠咬落juicy, 烟肉煎得香脆，个蛋炒得好滑，好似落左牛奶咁。