星海薈 (利舞臺廣場)

营业中

休息中

约咗朋友嚟到位于利舞台五楼嘅星海荟，一打开䢂门就见到条好华丽嘅旋转楼梯，哗，好fancy㖞！除咗楼梯之外，星海荟嘅楼底都几好，喺大堂嘅一边有一个高枱，适合搅宴会、活动，系婚宴嘅理想场地。另外，星海荟嘅特别之处系有专用䢂，招呼宾客都唔担心佢哋等得太耐，好细心周到。🔹招牌白胡椒蟹 $638个白胡椒蟹系第一道嚟嘅菜式。未见到只蟹已经听到佢啱啱煮好嘅吱吱声。呢个胡椒蟹嘅胡椒味非常之浓郁，蟹肉都几鲜味。白胡椒蟹上有金不换，下有紫洋葱，全部都吸收晒啲白胡椒嘅精华，送饭一流！🔹台山蚝啫啫走地鸡煲 $188 啫啫鸡煲同蚝煲都食得多，但两样都有嘅啫啫煲就第一次食，走地鸡件半煎炸后配上海量蒜子爆香嘅台山蚝啫啫走地鸡煲蒜香十足，香喷喷之余食入口都有浓浓嘅蒜香味🔹笼仔梅菜蒸菜远 $138呢道顺德菜几特别，蒸菜本身都唔系太常见，仲要用笼仔蒸好新奇。蒸菜心味道清清地加上梅菜姜丝嘅微香，配搭唔会太单调🔹瑶柱珍菌炆伊面 $138食完咁多味道浓浓嘅菜式之后，食返个清清地唔算油嘅伊面都系一个唔差嘅选择。什菌淡淡嘅味道渗透咗入啲伊面度，既好味，又饱肚，满足呀！