車仔麵之家

营业中

休息中

今朝有d发瘟，唔知想食乜，又念起寻日同事d好香嘅车仔面，所以来咗呢度。今次食萝卜、鱼旦、墨鱼丸幼面加辣：先食萝卜，哗！系完美！又脆又甜又无渣。再食幼面，得！入口弹牙。再食鱼旦，唔！好有旧时d街边档咖哩鱼旦嘅质感。最后食墨鱼丸，掂！好有咬口。要提一提个辣酱，系有d似沙爹/参咩之间，唔系好辣，但系好香，将味道提高不少。见d剪报话佢最好就系萝卜、猪大肠同酸斋，d萝卜咁得，下次一定要试埋另外个两样。不过呢处系要立食嘅，而且无乜冷气，环境就扣咗好多分。