影片
更多
2020-04-15
2318 浏览
其实一直想试呢间小食店好耐，但觉得佢偏贵😟，所以就未试到佢。适逢呢日外卖自取App有优惠卷用剩，就用咗嚟去金芝龙买Lunch食。由于我喺App预先落单，去到等多两三分钟食物已经Ready，男店员几好礼貌。金芝龙间舖好易认，因为同店嘅立场一样咁黄💛。原来舖入面都有个位置仔可以堂食，但真系得两、三张櫈咁大罢，我相信主要都系做外卖吧！装修有少少似货柜嘅铁闸，上面仲贴咗好多文宣📰。除咗文宣外，店舖仲贴咗好多餐牌，食物种类好似比以前多，而家有卖埋丼饭🍚。不过S金芝龙优惠套餐包埋杯嘢饮，要卖成$58真系好贵啊；另外有只平啲嘅超值套餐连嘢饮就卖$29，选择包括捞面、年糕、乌冬等，但均属轻食类...，即系未必食得饱𠮶种。而我第一次食就试下轻食𠮶款先，我拣咗A1.首尔捞面($29)；套餐奉送无糖红茶一杯，即系其他饮品又要加钱😅。嗌咗套餐，帮衬第二件食品就可以减$5，好过无，因为本身都唔平。首尔捞面味道普普通通，辣味不太劲🌶，面条比较粗身，但面质有少少煮唔开咁。成盒面本身无乜𩠌料，得啲猪肉碎同红萝卜，好彩有木鱼搭救！另外，份量比想像中多，都够饱。由于我一早都预计到个面无乜料...，所以加钱要咗招牌龙汁和牛
其实一直想试呢间小食店好耐，但觉得佢偏贵😟，所以就未试到佢。适逢呢日外卖自取App有优惠卷用剩，就用咗嚟去金芝龙买Lunch食。
由于我喺App预先落单，去到等多两三分钟食物已经Ready，男店员几好礼貌。金芝龙间舖好易认，因为同店嘅立场一样咁黄💛。
原来舖入面都有个位置仔可以堂食，但真系得两、三张櫈咁大罢，我相信主要都系做外卖吧！装修有少少似货柜嘅铁闸，上面仲贴咗好多文宣📰。
除咗文宣外，店舖仲贴咗好多餐牌，食物种类好似比以前多，而家有卖埋丼饭🍚。不过S金芝龙优惠套餐包埋杯嘢饮，要卖成$58真系好贵啊；另外有只平啲嘅超值套餐连嘢饮就卖$29，选择包括捞面、年糕、乌冬等，但均属轻食类...，即系未必食得饱𠮶种。
而我第一次食就试下轻食𠮶款先，我拣咗A1.首尔捞面($29)；套餐奉送无糖红茶一杯，即系其他饮品又要加钱😅。嗌咗套餐，帮衬第二件食品就可以减$5，好过无，因为本身都唔平。
首尔捞面
$29
62 浏览
0 赞好
0 留言
首尔捞面味道普普通通，辣味不太劲🌶，面条比较粗身，但面质有少少煮唔开咁。成盒面本身无乜𩠌料，得啲猪肉碎同红萝卜，好彩有木鱼搭救！另外，份量比想像中多，都够饱。
招牌龙汁和牛丸
$20
58 浏览
0 赞好
0 留言
由于我一早都预计到个面无乜料...，所以加钱要咗招牌龙汁和牛丸(原价$20/4粒)，承惠$5粒💵。哇哇哇，呢个牛丸超超超超超好食😋，劲多汁同弹牙，而且牛味浓郁，会食上瘾。唔好话我马后砲，粒牛丸个样望落都好靓，会觉得系好食𠮶种，而且中间仲食到有少少牛筋添🐮，真系好想再食。
题外话，呢到嘅叉好搞笑，原本就系咁，唔系我咬断咗🍴。
冻无糖红茶
95 浏览
0 赞好
0 留言
跟餐唔使加钱嘅冻无糖红茶亦有惊喜，因为我本身Expect系毫无味道的，但点知几香㖞，又大杯、又够冻；味道仲有啲似午后红茶添☕️。
总括嚟讲，我本身系有少少抱住试伏嘅心态嚟支持下🙈，但结果食完粒牛丸之后，成个人开心返哂😆，因为真系好好食啊，系我食过最好食嘅牛丸之二(另一间最好食嘅系林昌记)！所以呢篇好评主要系畀粒牛丸嘅😋。最后，再次望返个餐盒张相，想讲返句香港人加油，撑支持香港人嘅小店💪。
张贴
