燒烤堂 (已搬遷) 新店位置

去咗中环九如坊6-10号林氏大厦地下C-D号舖嘅烧烤堂，去食我最喜欢嘅菜式 — 串烧，我觉得所有串烧爱好者都绝对要来帮衬下！详情如下。首先，食物种类非常多，而且有好多上等嘅食材，例如元贝、鲍鱼、鹅肝等等。味道款式亦非常多！第一碟到咗嘅系盐烧秋葵，一来想有啲蔬菜伴串烧，二来佢哋嘅秋葵都非常新鲜。第二碟分别系汁烧豚肉金菇卷、海苔黑豚肉鹌鹑蛋，同埋盐烧豚肉露笋卷。个人重点推介海苔黑豚肉鹌鹑蛋！配上沙律酱，超级好味，最紧要趁热食！第三碟，登登登登，主角登场！盐烧A4宫崎和牛串！真系超！级！好！食！香口得来啲和牛脂肪入口即溶，食过包你难忘。最后压轴出场嘅，就系焦糖青苹果鹅肝多士，我可以话，完全冇谂过咁好食！亦绝对系我食过最好食嘅鹅肝之一，正如图片所见，外表已经非常新鲜，煎得非常好，再加上佢嘅青苹果非常足料，焦糖嘅配搭亦都好好，真系非常非常好食！总结而言，钟意食串烧嘅你，绝对不容错过呢间烧烤堂。