成都小巷米線雞煲 (和富道) (已結業)

百几蚊食到鸡煲仲要任食火锅料仲要任饮啤酒汽水，呢个价钱简直系抵食之余味道仲要唔错，简直系福音。入座起计时间，埋单既时候会计返食左几耐收返边个价钱，环境干净光猛卫生。今次叫左个唔辣既鸡煲，d料头爆香晒搞到成煲都劲香。鸡肉量唔少，绝对够两个人食，肉质爽身既有类似新鲜鸡既感觉，味道偏甜，但系沾一沾埋豉油食就岩晒。另外火锅料超过20样，火锅丸类牛肉猪肉菇类蔬菜咩都有。饮品连啤酒都有20款咁济，劲多选择绝对唔惊唔够食。绝对可以同朋友慢慢食，饮饱食醉先走。题外话，眼见其他人食烤鱼都好鬼吸引，大大条又劲香，下次再同fd过黎任食下都唔错。