金園茶餐廳

营业中

休息中

不嬲有帮衬开隔离间怀旧金园茶餐厅，后来见开左新既分店，多左小菜食，决定去试下，点知街坊茶餐厅黎计，真系贵到可怕，而且唔好食。叫左2个小菜，一个虾干什菜煲一个虾胶酿鸡翼，落单既时候话无虾干所以转只荷包蛋，但系价钱一样，居然攞一样贵既野换一样超平既野，然后所谓既“什菜”，就系得3款菜，仲有极少量极少量粉丝，可能平时其他茶记全部都会跟少少菇或者其他野，真系第一次食到咁简约版既什菜煲。鸡翼就系重点：落枱居然得2只鸡全翼，虽然中间系有啲虾胶，但系长沙湾地段，一间咁平民既茶记入面既小菜，卖紧$78呢个价钱，居然得2只，差唔多$40一只鸡翼，如果3个人一人都分唔到一只，真的觉得好贵，以呢个地区，一个下午茶餐都系$40，而且2样野都唔见得好食，味道唔难食既，不过完全唔会用好食黎形容，什菜煲淡淡既清汤，然后有3款无味既菜，全靠啲淡清汤浸住有少少咸味，鸡翼就系一段雪藏鸡翼加虾胶炸左，不过啲虾胶一啲虾味都无，味道同平时茶餐既炸鸡翼完全无分别，只可以用极度普通黎形容。