大吉居酒屋 (已結業)

要同朋友庆祝生日，因为生日主角钟意食d"抵"既野，所以日式放题系最佳选择。餐厅都可以话系苏豪区内，位置唔太明显，所以客人都唔多。放题食物种类都算多︰有各式刺身(三文鱼好似切得太厚)、蟹粥(冇咩味)、串烧(牛串烧又系烧到好硬，点解间间放题都系咁?)、银芽炒北海道带子(冇带子既?)、沙律(好大碟，但系冇咩特色)...寿司方面，水准算中规中矩，size都几大，所以奉劝各位唔好太贪心，因为一定食唔哂。汽水任饮，食物任叫(话就话食两个钟，我地坐左成晚都冇人赶)，位位$168+10%=184.8，好贵呀!! 不过男人一定食得好饱啰!