新興棧食家

营业中

休息中

今日下午我们参加完朋友嘅party之后，大姨妈就话带我们去一间食粥都几出名喺油麻地宁波街嘅「新兴栈食家」食晚饭！一坐低喺我们谂紧食啲咩𠮶阵，见到任何鱼嘅位置都有得食，有基本嘅：鱼云同鱼腩之外，仲有鱼咀、鱼卜、鱼尾、鱼鲛、鱼骨等等等等⋯⋯本来我们都想叫鱼卜嚟食吓，但可惜已卖晒！所以我们就叫咗田鸡加鱼腩粥、猪膶加鱼腩粥、鱼咀粥同田鸡粥，一嚟到我们就觉得碗粥好大碗同超多料，同埋仲有大量嘅生菜丝舖面，感觉非常「大堆头」，而且仲可以无限添加，感觉真系好抵食，但有啲美中不足嘅系啲生菜丝加咗入啲粥入面就会出咗啲水，不过呢啲系小问题，唔紧要啦！至于粥底就煲得好绵，而且有好鲜甜嘅鱼味，因所有材料都好新鲜，所以味道非常鲜甜，鱼腩嘅肉质好鲜嫩弹牙，最好嘅系都几厚身，而田鸡嘅肉质亦好结实弹牙，而且相当肥美大只，至于猪膶就好爽滑，唔会有「臭压」嘅味道！另外我们再叫咗豉油皇炒面炒得都几干身，味道比较浓，但未至于好咸！而油炸鬼就炸得都几金黄酥脆！