美心Food2 (已結業)

机场食店选择虽然多，但工作大的午餐，唔可以慢慢叹，反正要快，就去快餐店食，接机大堂楼底高，采开放式设计，枱与枱唔太迫，先揾位，好好彩有人刚走，向大堂阿姐招手执枱，好快搅掂，有张圆枱！分批去买餐，虽然人多，柜台店员都好爽手，先落单再攞食物，八达通比钱，落好单先记得有员工价，问店员可以后补，佢黑面咁退回差价比我！之后出齐餐自己攞埋枱！估唔到个咖哩汁好浓，牛腩牛筋好多件，牛腩入味唔嚡，牛筋好粗，入味弹牙，好念好入味！薯仔唔念，质感爽口！咖哩汁好香浓，微辣！白饭好大球（唔记得叫少饭）！连埋爽口嘅几款蔬菜，健康啲！好好味！热咖啡：够浓唔涩！港式风味！快餐都唔代表要委屈自己！