秀韓國餐館 (已結業)

星期六要返工, 放工就去尖咀揾老友食餐晏, 问佢有咩介绍, 佢就话不如来呢间试试丫.第一次经过门口时(约一点几啦)见落晒闸, 心念唔系咁快执左嘛, 老友话早几日先见到㖞.... 接埋老友之后再走过去, 今次就真系开左门喇, 原来佢地差唔多成两点先开架.两个人, 点了一个石头锅饭同一个冷面. 石头锅饭上台时好热辣辣, 几好, 但同明洞屋比又差了一点点. 个冷面的卖相都唔错, 亦低估左佢的辣度, 越食越辣, 老友已放弃了, 但食食下, 可能个酱汁除左辣之外又酸酸地, 冷面够烟靭, 习惯了个辣度之后就越食越想食, 结果俾我清晒.可能因小本经营关系, 前菜只有两碟(泡菜同芽菜), 同隔离d铺头无得比, 而且只有一位韩国女子(而且佢中文应该麻麻地)在楼面招呼, 间唔中会有一位韩亚姐帮手出菜, 所以招呼就真系唔太够细心. 另外在menu中见有好多菜式都系夜晚先有得供应, 有机会都可以再来一试呢!!