王牌冰廳 (燒味世家)

营业中

休息中

今日放工7:00去食饭，行开见到新开一间餐厅，就胆粗粗入去试，点知坐低嘅时候就听到老板话有新鲜出炉嘅烧味，一问之下居然有乳猪，咁就即管试吓个乳猪啦。始终唔系度度都有得食乳猪，我觉得肥瘦适中，够香口，配埋个乳猪酱又可以解腻，不错！ ！ ！仲要有例汤送，计埋都系$62卖单，我觉得抵食过连锁快餐店，环境唔错。最怕系入到一啲餐厅，张枱抹得唔干净，成阵味，但呢间餐厅就冇，我一个女人就食唔晒啲饭嘅，觉得份量足，不过听到有客人想加饭都可以，我觉得佢𠮶个烧味嘅豉油汁调得几好味，捞饭一流！不过我觉得最特别嘅系个叉烧，面头淋上一啲蜂蜜，味道有几夹㖞！见到隔离枱仲食烧鹅，下次去试吓先！又多一个新饭堂啦，哈哈哈！