点心代表 (已結業)

虽然之前系尖沙咀个间食完双子星主题之后下定决心唔会再来，但见到今期主题系丑比头都系忍唔住想试下，所以就拣左貌似评价好D既中环分店。因为唔想排队，所以拣下午2点几来，点知都系要等，等左15分钟啦。中环分店大好多，环境亦都比尖沙咀间好。三个人点左一笼流沙包，一笼流奶包，一笼虾饺，一碟炸馒头同一个椰子炖奶。个人最中意系流奶包、炸馒头同椰子炖奶。流奶包流心程度高，我食到有D椰子味，包都好松软。而炸馒头整成咁样真系好有创意，炸得好香脆，仲淋左炼奶，而下面仲有旺旺雪饼！椰子炖奶味道都几惊喜，好滑，好香椰子味，仲可以刮埋D椰子肉一齐食添。虾饺味道都可以，皮唔会好厚，虾肉都几弹牙。但流沙包就比较失望，料好少，流心程度亦不高，比较普通啦。总既来讲都比想象中好食啦！