SMILEY CAFE with eGG (已結業)

星期六同朋友系朗豪坊行咗成日，终于行到肚饿想揾个地方食嘢，行行下就见到呢间egg餐厅，本身心谂，egg唔系卖眼镜咋咩？原来都有嘢食㖞，咁就吸引我地了解下，系门口望下餐牌觉得都几平，就入咗去试下。入面全部嘢都有笑哈哈，个感觉都几开心下！叫咗个小食先，蜜香鸡翼配薯条($48)，鸡翼好有肉，味道都好香甜，薯条厚切好食，五只鸡翼加薯条都只系四十几蚊，好平。SMILEY Combo Pizza($78)，呢只Pizza有四个味道，各有两块比我地啱啱好，每样都可以试到少少又唔会太大份多，千岛酱加虾个款最好食。黑松露意大利饭($78)，虽然呢个份量唔系超多，但系两个人Share就啱啱好，一嚟到就已经好大阵黑松露味，食埋落去味道仲劲，饭既湿度啱啱好，七十几蚊一个黑松露饭真系无得挑剔！见到饭品咁多款又咁平，我地两个人都叫咗三杯唔同既嚟试下。SMILEY Blue海洋柠檬梳打($38)，甜甜地，好消暑！蜜桃乳酸梳打($42)，朋友好钟意，有啲益力多味既感觉。波子汽水沙冰($42)，波子汽水味劲重，呢个都好啱消暑。我同朋友都觉得呢间餐厅好适合一家大细嚟，因为餐厅入面成个感觉都令人好开心，色彩好缤纷，而且野食