阿夫利拉麵 (The ONE)

营业中

休息中

最近外食频密咗，但又想食拉面，所以想试吓朋友推荐呢间有柚子盐味拉面嘅餐厅。因为坐吧台，所以见到厨房嘅环境非常干净卫生。餐厅嘅环境亦十分舒服。员工亦十分友善。今日叫咗柚子盐味拉面、自家制煎饺子同埋青柠柚子梳打。柚子盐味拉面用咗幼身嘅拉面，汤底唔油腻，十分清新，比起其他拉面嘅浓汤底食起嚟少好多罪恶感，好适合女仔或者怕腻嘅人。叉烧嘅肥瘦程度刚刚好，不过如果一碗拉面可以有两块叉烧就更好了。青柠柚子梳打亦清新解腻，而且大大杯，天气热时饮真系一流。自家制煎饺子上面有一层薄薄嘅脆皮，好特别，同饺子一齐食嘅时候令每啖更脆。整体来说食物质素好好，推荐比想食拉面又怕负担太大嘅朋友。