翠華冰廳 (已結業)

朋友住愉景新城，所以係附近搵野食，荃灣廣場三樓就係，地下仲有指示圖案指我地過去好方便。一入去見格局都唔錯，裝修幾靚開揚光猛，叫左兩種包試下水準，波蘿包即刻就到，厚切餐蛋三文治比較有驚喜，好厚嘅滑蛋同餐肉滲出肉汁牛油剛剛好，意外地啱我口味。大力推介佢嘅咖哩牛腩飯！！！牛腩牛筋薯仔一應俱全，滿滿嘅份量，食得意外嘅滿足，朋友係牛腩腔食到大快朵頤，咖哩味濃郁香洌，甜而不膩，真心推薦！芝士豬扒飯有厚厚嘅芝士，港式嘅風味配合紅豆冰一流。