熨烤達人 (已結業)

今日路过呢间韩烧餐厅发现入边嘅装修几精致，餐牌价钱唔贵就入咗去试啦。呢度嘅装修行工业风路线，抽油烟机系统做得几好，即使入边坐满食客都唔会觉得烟雾离漫。枱嘅空间亦都足够，摆得晒一阵间叫嘅嘢食，坐得舒服唔逼。落左单之后好快店员就帮我地煮炉边蛋，最重要系有得俾我哋随自己兴趣落粟米同芝士我好钟意食泡菜，仲encore左几碟。我哋叫咗个熨斗烤压套餐，入边有唔同肉类，当然重头戏就系砖头五花腩啦。原来个套餐个名嘅由来系用个巨型嘅熨斗烤压住五花腩，令到五花腩系烧嘅同时可以锁住肉汁。食韩烧最怕就系自己烧嘅手势唔好浪费左上等嘅肉，呢度就唔使惊啦因为店员系会全程帮我地烧巨大嘅五花腩，总会帮我地切埋，超好服务，做个懒人等食就可以啦。睇见张相都流晒口水，五花腩烤得金黄，一咬落去肉汁就出晒黎，口感一流。其次值得赞嘅就系一口雪花牛粒，唔多筋，颇有牛肉鲜味。Like佢哋Facebook就送一杯梳打，总括来讲呢个套餐几抵食，价钱唔太贵但肉质颇有保证，值得一试。