八合里牛肉火鍋

营业中

休息中

🐻八合里终于来香港开店啦！唔使舟车劳顿都可以食到一餐美味既牛肉火锅，🐻👩🏻🐻👨🏽知道左就飞奔去沙田既首店过下牛瘾。🐻首店位处地点方便的沙田市广场，一到门口就见到一排排新鲜牛肉，师傅手操手刃将不同部位分割，一碟碟送上客人面前，同深圳店如出一辙。🐻👨🏽睇完餐牌发现除左牛肉外，更有不少海鲜小食熟食，就点左碟小食潮汕壳桃粿试下，外皮脆香，入口软糯，一甜一咸，相当有潮汕特色。🐻汤底拣了原味牛骨汤底，锅底有牛腩萝卜粟米等，然后店员就系我哋面前加入牛骨汤，汤汁鲜味清甜。牛肉就点左鲜切肥牛同精品雪花，每碟都粉嫩鲜红，油花十足，放入锅底十来秒捞起，再沾上酱料柜自行混合的酱料，真系食得过瘾。牛筋丸同牛肉丸都必食之选，口感弹牙满满肉汁，🐻👨🏽真系食左几粒都唔够喉。🐻👩🏻突然想食虾，🐻👨🏽就叫左鲜活九节虾比🐻👩🏻食，睇到虾身由乌黑烫成橙红就起锅脱壳，虾肉弹牙鲜甜，十分新鲜。食完肉自然要少少菜调和下，点左个菌菇拼盘有几种菇类，每种都味鲜爽脆，配上清甜的牛骨汤刚刚好。🐻八合里香港首店食物质素完美还原深圳店，坐位舒适宽阔，可以免去车程时间在香港品尝到八合里高品质的牛肉，对牛魔王的我哋真系一大喜讯。