影片
更多
2012-02-26
43 浏览
之前曾经见介绍呢间餐厅,果时以经好想去试一试,见团购有COUPON买,所以推动咗我呢次成行间餐厅位置唔起眼,入咗条巷,最初真系要揾一揾个门口我哋去既呢晚好多人,连老细自己都话未试过成场坐满,但只得3个人招付上菜落单,所以要等一等。嚟到当然要睇下佢d装修啦~好钟意佢挂墙既饰物,好靓,成个环境感觉好warm。团购有一个特定既餐牌,选择都好多,但就唔包饮品,我哋另外叫咗捷克beer,奥地利beer,White russia, bloody mary, 蓝梅汽水(买二送一,即系2杯free)因为我哋有6个人,头盘我哋可以全部点晒嚟试。每个人都有一件既三文鱼子酱(三角型果件),老细上菜果时特别讲明唔好切开,最好成件卷住放入口食,因为礼面有酱、芝士碎等。其实我只系食到d鱼子酱有d咸,但觉得几得意。其他既前菜,我好like个焗茄子,薯饼,同埋个猪肉片,由其时用嚟夹肉片块黑麦包,其他既都唔错。但唔太like个磨菇卷,太热气,同埋个焗磨菇原来系响多士上面放d磨菇,我仲以为系成只磨菇咁焗。汤都系叫晒4款,个杂菜清汤真系好清,最惹味系辣肉汤,巴豆汤同三文鱼汤都唔错主菜我哋点咗兔肉(因为未试过)、三文鱼、烧鸡
之前曾经见介绍呢间餐厅,果时以经好想去试一试,见团购有COUPON买,所以推动咗我呢次成行
间餐厅位置唔起眼,入咗条巷,最初真系要揾一揾个门口
我哋去既呢晚好多人,连老细自己都话未试过成场坐满,但只得3个人招付上菜落单,所以要等一等。嚟到当然要睇下佢d装修啦~好钟意佢挂墙既饰物,好靓,成个环境感觉好warm。
团购有一个特定既餐牌,选择都好多,但就唔包饮品,我哋另外叫咗捷克beer,奥地利beer,White russia, bloody mary, 蓝梅汽水(买二送一,即系2杯free)因为我哋有6个人,头盘我哋可以全部点晒嚟试。每个人都有一件既三文鱼子酱(三角型果件),老细上菜果时特别讲明唔好切开,最好成件卷住放入口食,因为礼面有酱、芝士碎等。其实我只系食到d鱼子酱有d咸,但觉得几得意。其他既前菜,我好like个焗茄子,薯饼,同埋个猪肉片,由其时用嚟夹肉片块黑麦包,其他既都唔错。但唔太like个磨菇卷,太热气,同埋个焗磨菇原来系响多士上面放d磨菇,我仲以为系成只磨菇咁焗。
汤都系叫晒4款,个杂菜清汤真系好清,最惹味系辣肉汤,巴豆汤同三文鱼汤都唔错
主菜我哋点咗兔肉(因为未试过)、三文鱼、烧鸡、猪肉肠、猪脾。兔肉味道出奇地好,好滑,味道似鸡,但质咁好细唔嚡。三文鱼炸过咗火,觉得㶶咗d,但d肉都仲滑,唔嚡。猪脾我仲以为系真系只脾咁上,原来只系一件扒咁(可能食得德国猪手太多,哈哈),啱啱上菜果阵热食好好味,好滑,但当凉咗就觉得有d嚡。猪肉肠味道唔错,但太干身同煎㶶咗。但用嚟配beer真系一绝。烧鸡唔错,一般水准啦。
最后到甜品,肉桂苹果PANCAKE,d肉桂味好香,个皮都ok。士多啤梨PANCAKE,唔系用士多啤梨肉,系用酱,所以觉得太甜。炸雪糕,炸得唔错,皮脆内软,雪糕唔似外面有d炸完都仲好硬,但阵油味太重,影响咗味道,如果呢方面可以改善下就好PERFECT。
我哋嚟仲有一个目的就系要响雪房饮vodka饮vodka,$180/6杯。食饱之后我哋叫老细带我哋入房,间房好细,但放既vodka好多都未见过,系老细自己外国带返嚟。饮酒个杯好细,佢系咁介绍,佢自己都话咁多种类,只饮一款唔够,所以俾我哋拣2款饮,每次半杯(但老细其实每次都系倒咗一杯俾我哋饮)。我哋各人先试原味(唔同牌子),之后再试有辣椒既(个樽入面真系浸住3只辣椒仔架)。原本雪房好冻,但饮咗啖酒,真系暖晒,d酒味道都好唔错
出嚟之后个场无乜人,老细好主动同热情咁帮我哋拣位影相,仲好有心思帮我哋放d道具嚟影相以老细既热情,我觉得真系好得,如果唔团购,个价钱响果区嚟讲都好合理,如果将来要再同朋友食饭,呢度都可以选择
张贴
