金凱小廚 (已結業)

放题式既火锅，每次都一定有好多选择，我总系拣好耐都拣唔到。咁唯有拣左最易选择既饮品先，饮品都有好多款式，有罐装﹑纸包饮品﹑都有酒类。串烧系我最中意，当然要拣海鲜，未食已经闻到好香，特别系两只扇贝，其他海鲜好似有盐烧海虾﹑盐烧多春鱼，仲有烧鸡软骨同安格斯牛粒串，全部都卖相吸引，食落都好入味。麻辣鸡煲入面配料都好足，鸡既份量会根据人数而定，但一定够食，鸡煲热辣辣加埋香料互相呼应，好味道！食完鸡煲，可自选汤底(花胶鸡浓汤﹑蕃茄薯仔汤﹑四川麻辣汤﹑醉鸡汤及沙嗲汤)我拣左醉鸡汤，花雕酒加埋药材好香，鸡件比较滑身。安格斯肩胛牛肉同西班牙黑毛猪肉质鲜美﹑口感唔错！仲有即炸鱼皮同响铃好香脆可口 ！其余食材都好新鲜﹑种类繁多，仲有蔬菜都好合时宜，整体都不错！