車厘哥夫餅店

营业中

休息中

从来未写过食评，但今次真系忍唔住......由细到大都好钟意食车厘哥夫嘅曲奇，当中最欣赏佢哋嘅朱古力曲奇，每年都会专登走去买几次，之前试过有一次买到㶶㶶地嘅朱古力曲奇，已经觉得好奇怪，㶶左都卖比客？今日买完，可以话完全失望，以后都唔使去买喇！店员阿姐话唔够朱古力曲奇，咁就加少少合桃啰，点知返到屋企，跟本大部份都系合桃，重点系啲合桃曲奇真系好难食，曲奇饼身干到爆，而且一啲味都无，系完全无甜味，从未食过咁难食嘅曲奇，就连其余嘅朱古力曲奇都唔好食。真心话，真系好失望，其实130蚊一磅真系唔系平，计返仲贵过小熊曲奇。好了，到此为止，以后唔会再去买，呢个价钱应该会有质素同服务好一啲嘅饼店。