北京樓 (星光行)

营业中

休息中

团年饭，老妈想食填鸭，BOOK左老牌星光行既北京楼，结果除左拉面表演如旧，其他完全唔系个回事。填鸭肉无肉味，面皮大大片，发软发霉，完全无韧性，青瓜好大条，大葱好少。虾球好厚面皮包住炸，咩京菜啊？最搞笑系拔丝野，点左拔丝苹果，等好耐上到，已经冻左，阿姐用羹都掹唔开，结果搞到糖皮同苹果分开晒，睇到好恼，叫返做唔该。结果又等一轮，再上，部长快手分落冰水，但都系唔可以及时分开，又系糖皮同苹果分开，算啦，唔等啦。糖皮好厚，完全失败既出品。拔丝系京菜基本要求，所以美心集团要保留，但力不从心，煮到太肉酸，不如取消算啦。又系完全走样既一间老牌饭馆。