Nardo's Cafe (已結業)

今日谂住开开心心一班朋友上cafe 食下野聚下倾下计架ma,点知就比依个外观还好既cafe 呃走左我既第一次，真系咁大个仔都未食过咁难食既cafe!仲谂住系自己味觉问题，谂住同朋友仔倾下觉得点，点知个个都话冇味加难食！环境一般，台唔多，刚到有5台客，佛系职员，刚到门口，冇店员接待，自行入到去，揾到店员，订左位，跟住安排入房坐！重点：入房坐感觉好似与世隔绝咁，冇人服务！每次拎亲餐具、碟，全部都要自己走出去揾店员，店员系个阿姐同后生仔个阿姐讲：你地拎餐具🍴叫我得架啦，我会帮你地拎架啦，唔洗自己拎，明明就系佢地唔入黎服务每次都要自己走出去！1）茄酱肉丸以为系手打肉丸，点知一咬落去就知中伏，个茄酱超级（结），但系个粒所谓既肉丸，只系明副其实既打边炉猪肉丸，好难食！2）白汁xx长通粉份量好多值得一赞，但食落冇味，劲难入口，10几个人食一碟野，都冇人选择食，啲汁好稀（要加芝士粉、辣椒仔先有味）3）肉酱意粉一睇就知青口唔熟，意粉好似浸过水咁，好软，肉酱虽多但冇味（要加芝士粉、辣椒仔先有味）4）小食鸡翼炸得over晒时间，又干，啲鸡肉又过老，好难食5）黑松露意大利饭有黑松露味，但超淡，好似冇落盐调味咁