了不起 (已結業)

我同朋友经过第一次试呢间野，叫左3杯奶盖茶，1杯水果茶，同1杯黑糖珍珠鲜奶。水果茶同黑糖珍珠鲜奶都普普通通，但系奶盖茶真系令人大开眼界。佢d奶盖好咸，完全冇芝士味，仲要有一粒粒沉淀。因为本身惊品质有问题，所以打翻去同店员反映，点知佢态度极差。店员一开始就好差态度咁问我哋系咪第一次饮呢间既奶盖，话佢哋既奶盖不嬲都系咁，d粒粒系正常，个奶盖系佢今朝先打。原本佢态度好d，解释番品质无问题就无事，但系佢讲到好似系我哋无饮过奶盖咁，我哋有咁既质疑系唔正常，真系令人好气愤。佢仲话d沉淀既粒粒系芝士粒，凝固既状态系正常唔会溶，咁咸系因为有海盐。最后想讲番，如果我哋唔系第一次饮一定唔会饮，亦希望呢篇野可以告诫未饮过既大家，千祈唔好饮！