裕興咖啡 (已結業)

今天一早同母亲大人出中环，八点十分就到左，比返工更早，为乜？咪就系为左份邪恶三文治啰 因为晏左去随时卖哂冇得食。而且一般就算有位都要等45分钟至食倒。今日我地每人叫左一份五香肉丁三文治，我𠮶份加左蛋。等左45分钟，靓女事头婆拎左一份三明治放响我地面前，可能因为太肚饿，我同妈咪二话不说即刻九秒九拎起就食，食左两啖就发现点解系咸牛肉加芝士嘅？原来我地食左隔离𠮶份，事头婆即刻sorry 马上整过份俾隔离。我地都冇所谓嘅，咁样反而食多一种味，之后份五香肉丁蛋到，比较之下，都系五香肉丁好食啲。佢份三明治有乜特别？咪就系加左椰菜丝同埋花生酱啰。试幻想吓五香肉丁沟花生酱系乜味道 , 总之好好味！唯一美中不足是夏天坐大排挡好鬼热啰！