Big Dog (已易手)

去开西环办些事，特别SEARCH SEARCH有咩食，想去特式美食屋又休息，所以专程行去BIG DOG。好似其他网友所讲，间舖真系唔易揾。话响皇后大道西，一直在大街行是看不到的，是刚刚要过马路...心谂唔通太细睇漏左？说时迟那时快，转头就望到佢\响皇后大道西同水街交界。入到去真系得老板娘(MAY NG)一个，点左个珍宝肠、烟肉、洋葱同生菜热狗。条珍宝肠真系好巨型下，食起来有难度，明白下面有幅图系会肠包分离，因为个热狗包系容纳唔到条肠。见MAY烘个热狗包，满心以为个包会像永乐园的又热又松脆，结果系...掂下个面系硬，但食落去系一般的软，唔热的。烟肉碎片无煎过，唔油但亦都唔够味唔够香。洋葱是生的，所以劲味至极。幸而点了芥末酱，比较稀伴有少量酸瓜，稀一点同生洋葱无咁撞。如果唔要酱，D肠又唔够味(白烚的)，烟肉又唔香，只系得洋葱味都几寡。整体上一般，可以再试，个人认为永乐园D酱好味D，要大SIZE呢度就满足到啰。