意日菜 (已結業)

啲餐汤系罐头货，正常水平。主菜朋友个鳗鱼铁板饭啲饭完全冇烧过嘅痕迹，个饭淋到唔知想点，啲酱汁喊得好离谱，铁板完全唔热，我同朋友好似食紧隔夜𩠌咁。呢个餐唔系难食，系非一般嘅难食。我点𠮶个白汁焗龙脷柳饭系非常明显完全冇焗过，啲白饭系后装，个龙脷柳系煎嘅。龙脷柳冇乜特别，啲白汁好明显系用罐头忌廉汤整出嚟，而且沟过好多水，半头唔到岸，好似饮紧啲唔够朱古力粉嘅朱古力咁，难食得好过份= = 啲配菜简直大开眼界，好明显就煮过龙，有阵怪咪，我咬咗一口就吐返出嚟，完全接受唔到。小食都系负皮，个烧饼只系用咗酒楼薄饼加厚版再加日式医料去整出嚟，完全唔match，啲医料又整到水浸咁，嫌个饼唔够难食？饮品就正常发挥，好明显就用现成医料冲嘅，唔系新鲜水果制造。结论系中大伏，Blacklist 呢间嘢，唔会再嚟，亦唔会叫人嚟试。