辛安東元祖奶奶雞 (已結業)

平时见咁多人排队，谂住冇死错，又上网睇过评语，终于今日就去试下啦。一早book左位，去到人唔多，walkin都冇问题，入到去坐底，环境都ok，系张枱太细，枱与枱中间又逼，坐得好唔舒服。餐牌款式唔多，一场泥到试下佢招牌奶奶鸡。 味道同鸡煲冇分别，太咸，鸡太少。 冷面好似食汁咁，但个汁一d都唔好食。份量少，一句讲哂:好难食!!! 炒猪肠:应该主角系芽菜，只系揾到一块完整ge猪肠，其他都系碎。味道又系mama地。汁太多，唔知食紧咩。 芝士鸡：味道终于正常，底下有年糕，芝士够哂多，鸡都系一般。 豚王生菜包：其实仲有4块生菜ge，枱面太多野影唔到，本身热食应该会比较好，其实佢一早上到菜，因为张枱冇位放，所以职员话后上。上到最尾先有位放佢，都冻哂啦！味道认真mama地。 最后，当晚最好味竟然系支汽水。咁就食左我500几蚊，真系食放题都冇咁嬲。