辛安東元祖奶奶雞 (已結業)

放工和舊同事聚餐，舊同事是哈韓族，就一起來這間一試。一邊吃，一邊聽着店中的韓國音樂，一起沉浸於韓流之中。選了個深層 炸雞定食， 雞炸得外脆內軟，飯口感不俗甜品的布甸都幾好味。最吸引是飯，湯，茶都任酙任飲，包食得飽。加多$1還送多個元祖奶奶雞，幾香滑。

在附近開會，看見有間韓國食店，於是入去試試，有些坐位用圆鐵桶作櫈，幾得意，但不好坐，看餐牌後選了個深層 炸雞定食， 雞炸得香口鬆脆，飯軟绵绵，但湯無味似水，也有毛豆作前菜，和有啫喱作甜品, 叫了一杯凍奶茶作飲品，以上三樣同是普通無特別。

呢間奶雞食定食既，但真係食物係暖，5熱既，真心一句，平得黎5好食咁不如比多幾十，食好啲好過。刺身飯海鮮有腥臭味，食左一塊就真係無食欲咯，好嫌棄佢。。。重叫左個凍豆腐，超奇怪既味

見韓風咁勁就去應下風啦，見到呢間門口排哂隊就吸引咗我去睇下有咩正野，見到有芝士奶奶雞就觸動咗我個幻想味蕾就決定試一試芝士安東奶奶雞都幾大碟下，望到上面一大pat芝士就超開心。好起筷，撩下去整渾下啲汁發現雞唔太多，大約6至7舊，汁同粉絲超多。一放入口，就失望lu我期望既芝士味呢？完全無芝士味，雖雞質感ok，但感覺食緊多汁既北菇蒸雞。。。。。我需要俾成HKD188去食嗎？兩個人去食叫呢碟加多個小食就夠哂飽，但完全唔值，唔抵。。。。可能係我期望太高吧。。。

這家韓國食店曾經每天晚上大排長龍，尤受年青男女熱捧，但今天走過卻沒有人排隊，還有位置walkin。在街口轉角看到有老婆婆派傳單，跟著奶奶來到奶奶雞，看到牆上貼著半價奶奶雞的優惠，我們坐下來光顧了。這星期吃了第三餐韓國菜，慶幸不是韓燒，也不是炸雞，否則食評都給寫悶了。來了客99$的半價松露芝士，幾乎每檯都有點上，光吃芝士其實不俗，而且松露味仍在，但當芝士跟本身的甜醬汁伴勻，味道好像給掩過了。雞肉入味，而且也滑溜，感覺很有家常菜的感覺。尤愛一起在碟內的雜菜，瓜炆得特吃淋，而且保持到多汁。黑色的咖哩算少見，不是我落單的，食物來到還以為是墨汁。餃子在面頭炸得香脆，但有點過於乾身，必須沾上咖哩一起吃。煎餅只有半圓份量，而且海鮮餡料未見充足。不過煎餅整體不算多油，而且軟綿，入口不俗。這客韓式風味最重，鑊氣夠，用上了跟炒年糕時差不多的甜辣醬，撒上芝麻，香口十足，也是最快清碟的一道。不過這店生意真的一般，星期六晚上九時半後就只剩下我們一檯，一路飲一路吃一路聊天，直到關店。

之前糸facebook見到安東奶奶雞做promo,半價$99可以食黑松露奶奶雞（半隻），一直都想試一試。其實個promotion對我來講都幾吸引，因為我都幾中意食雞,亦喜歡黑松露個味道，半價對於我嚟講實在很吸引！今日終於有機會嘗試，老實說我都有d期望!因為同兩個朋友一起食，我地除左叫碟雞之外叫左個牛肉水冷麵（午市套餐$48，加罐裝利賓納$5）首先講個黑松露奶奶雞，我們㨂左中辣。雞是預先用辣醬炒好放在底，上面舖上有黑松露味道的cream. 黑松露份量不少，mixed with cream 舖在辣雞上面, 很香， 味道出奇的夾，有黑松露的香，忌廉的滑，辣雞的辛辣刺激，味道複雜，口感豐富，我的大愛！辣雞亦處理得不錯，沒有雪藏味，中辣的辣醬味道剛好，韓國的辛辣帶點甜，唔錯！但係個牛肉水冷麵就令我地極之失望。個面本身質感很麻麻，食落去咬了兩三啖已經槳埋一起，好似食緊一pat麵粉，感覺很唔好！啲牛肉只有薄薄的4片，可能因為食左上面個奶奶雞先食這個，覺得牛肉也沒有味道！另外仲有三至四片薄薄的雪梨，所以個湯底有甜甜的味道。但總括黎講，整個湯麵淡而無味，我地食左幾淡大家都放棄了！總括來講，我覺得黑松露奶

一道食完有種離腎衰竭不遠感覺的重口味料理，醬汁太太太太太咸了吧！！😫😫（食開重口味既我都接受唔到咁咸）仲要，冷麵配一隻水恰全熟蛋😑幹嘛呢？？會唔會太求其左啲？整返隻半熟蛋或溫泉蛋扮豐富都叫合理啲、有誠意啲啦😅 ·本來個冷麵已經零技巧整，食冷麵食到似食汁多啲呢，醬汁除左激咸外真係一啲都唔好食，仲要青瓜絲好少，（而且多數都係啲青瓜皮絲，有啲硬），再加隻幾歲小朋友都識恰既全熟恰蛋😢😢...................實在太令人失望了招牌辛安東元祖奶奶雞都令我好失望😟因為，9成似係食緊平時媽媽整既薯仔炆雞既味道😀媽媽唔會落味精，但奶奶落了，而且落太多了，過咸了呢👎🏻👎🏻我飲左勁勁勁多水解渴😑還有啊，奶奶感覺有點貪心，薯仔炆半隻雞，得幾塊雞，收成$148咁貴（我忘了有無加一）😿點食都似薯仔炆雞或雞煲feel🤔實在太太太普通了，唔計過咸都唔算難食既，不過既然屬於媽媽或自己都整到既料理而言，我唔會再幫襯呢間野了呢度啲野食真係好鬼死咸

見facebook有海鮮塔食 所以都即刻去booking因為屋企人好鐘意食海鮮 諗住會有開心dinner點知換黎係勁一肚火既dinner去到同個黑面女人講 話我地book7點 我都未講完。 點知佢個啲態度衰到呢似兇你咁！ 話人齊未？未就出面等等 我地有限時架喎！好似我欠左你咁 小姐 我想講 我唔係黎比錢買難受架 同埋我已經人齊架啦 就算我家人未到齊都唔應該係咁既態度都算啦都算啦！但求餐飯開開心心都ok。點知依家先係開始 book個陣問 個塔係咪唔需要訂就有？佢地話係的！點知去都無都算啦咪食下其他野 叫左個安東海鮮奶奶雞呢個招牌菜 得個咸字 難食同豉油炆雞一樣味道半隻雞真係好小 小到每一件都唔知有冇！叫左個海哲 呢個已經算叫算好食架啦 因為唔使佢地煮既 朱肉生菜包 又肥又厚肉質好像橡根！我諗生菜包最好食真係生菜我自己好喜歡食年糕 叫左令我失望 得個辣字 另外小插曲本身枱同枱之間已經好逼 枱又細 擺得個樣 又擺唔到另外一樣 點食？ 佢地鋪頭又唔係特別爆場 問佢地可唔可以比埋格離張枱比我地食得鬆動小小點知個黑面女人 一句已經話唔可以 呢張枱已經夠擺 心諗如果真係夠擺 我都唔會開口問你地拿多張

間唔中聽過辛安東奶奶雞呢個名，反正今日諗唔到晚餐食乜好，7點幾荃灣呢間咁岩唔洗排隊就試下啦。環境方面都算坐得舒服，凍水可以自助倒。望下餐牌有乜揀先！大路韓式野基本既都有。最後揀左元祖奶奶雞半隻同炒辣蜆。等緊開飯其間有兩碟小菜，韓式醃蘿蔔同芝麻豆芽菜。上菜速度方面，元祖奶奶雞好快就到，但係個炒辣蜆就耐左啲，我地差唔多食曬個奶奶雞先到。元祖奶奶雞，中辣。佢有幾款辣度可以揀，我平時食開譚仔三小辣，呢款我叫左中辣都覺得ok，再辣啲都仲可以。雞都算滑，夠入味。其他配料有青瓜、紅蘿蔔、薯仔、冬菇碎。不過所謂半隻雞既份量有啲奇怪，如果隻脾係咁大，其他雞件砌返埋夠唔夠半隻雞呢？但兩個人食，呢度已經好飽。因為啲薯粉係堅多，應該夠4個細碗仔。炒辣蜆。呢個賣相吸引，份量都足，但味道唔太討好。平時我好鐘意食炒蜆，但呢款真係唔太鐘意😑味道怪怪地，食食下又成日有碎殼⋯食完兩個餸，兩個人已經好飽啦...埋單$240⋯性價比，自己諗啦，哈哈哈

做飲食除左食物質素外，最重要嘅係service quality，真係未見過態度咁差嘅侍應，令到我忍唔住寫comment.之前食過銅鑼灣店覺得無論食物同服務都唔錯，今次我又見到promote話荃灣店有海鮮塔食，咁我就去book la, 打去改booking, 講明係之前打電話黎book, 條友聽唔明又問幾次，好唔緊要我一再解釋，點知未講完就收左線。ok無問題我打多次confirm. 點知之前聽電話個個完全無做嘢，唔緊要，改左就好。明白海鮮時令嘢未必一定有，我收線前我都有問到係咪有海鮮塔，佢好sure 話有。去到間舖先知原來乜都無，又唔事先通知。我只係同侍應講左句*我打黎問過佢話有嘅？*點知個女仔個面西到，仲話呢兩個星期都唔會有。當我想落單叫其他嘢，佢竟然走左去，我真係o左咀 (當時店內得兩三成滿，我唔明佢有幾忙幾十秒都唔等得)，算啦我再叫，終於落到單。平心而論啲食物係幾好食，前面啲小插曲我都可以算，但最精彩嘅係，我同朋友食食下嘢傾得開心之際，有個男嘅同我地講夠鐘要交枱，仲企响度等我地起身，我地仲趙緊嘢，單又未埋，你地係咪咁對客人。我想講交枱唔係問題，第一 我未夠九十分鐘 我六搭三入黎，以

早排經過想嘗試 但鋪內那位西裝女人話已經lastorder（那時候才10點到） 但我見寫11點半才lastorder 無緣到近期朋友再話食 就去吧！鋪內沒有高朋滿座 但見待應們反應比較慢 都等了一會兒才安排座位鋪內枱與枱之間的空間感比較擠擁來到當然必點安東雞我和朋友覺得比較咸 可能是我和朋友不能吃得那麼咸吧 但安東雞下面的粉好吃的開胃前菜海哲 一般 好橡筋八爪魚 沒有我想像中好吃芝士雞芝士很邪惡 但雞真的很一般有點失望鋪內待應反應真的很慢 叫他們換水 真的很久才有人幫你整體上 食物真的很一般 不會再吃！待應們好像遊雲 好多時要大叫才有反應 警覺性比較低

因跟朋友慶祝生日，一行大約八人往荃灣奶奶雞分店吃晚飯～ 因為一早book了位，所以不用等位，因之前聽朋友說以往要排長龍才可入去的～一看到這麼多奶奶雞的款式，我們點了最基本的元祖奶奶雞及豬手奶奶雞～ 因為我們去的時候豬手奶奶雞做了優惠，由原本的＄188去到＄94，而亦因為我們吃得很津津入味，結果整晚點了兩次豬手奶奶雞，但可惜的是第一次點的時候大碟很多，而且亦比較多豬手（雞的份量相對是少多了），但第二次來的是相反，麵很多很大碟，而如紅蘿蔔，節瓜等配料亦很多，但完全沒有什麼味道似的，有些失望。原本豬手及雞是最好吃的一環，然而份量顯得太少，但汁真的配得很好味，再加上麵一早已浸滿了雞汁，我們吃得停不了咀～此外，我們亦點了壽司， 蜆，牛肉加生菜包等等美食～ 因我不吃牛肉的，不知味道如何，但我朋友亦大讚牛肉很鮮味，不比雞肉遜色～ 但最令人意外的是一個叫地獄薄餅，真的很辣，我的朋友食完忍不住不停飲水唯一感覺麻麻的是座位～ 因地方較為窄，坐的不太舒服；而且店員也看來不太醒目似的，我們叫了很久也沒有人來認我們～ 不過我的朋友說，以前這間舖頭的食物比較好吃，現在差了少少，不過仍然可保持水準，而我的感覺亦一樣

平時見咁多人排隊，諗住冇死錯，又上網睇過評語，終於今日就去試下啦。一早book左位，去到人唔多，walkin都冇問題，入到去坐底，環境都ok，係張枱太細，枱與枱中間又逼，坐得好唔舒服。餐牌款式唔多，一場泥到試下佢招牌奶奶雞。 味道同雞煲冇分別，太咸，雞太少。 冷麵好似食汁咁，但個汁一d都唔好食。份量少，一句講哂:好難食!!! 炒豬腸:應該主角係芽菜，只係搵到一塊完整ge豬腸，其他都係碎。味道又係mama地。汁太多，唔知食緊咩。 芝士雞：味道終於正常，底下有年糕，芝士夠哂多，雞都係一般。 豚王生菜包：其實仲有4塊生菜ge，枱面太多野影唔到，本身熱食應該會比較好，其實佢一早上到菜，因為張枱冇位放，所以職員話後上。上到最尾先有位放佢，都凍哂啦！味道認真mama地。 最後，當晚最好味竟然係支汽水。咁就食左我500幾蚊，真係食放題都冇咁嬲。

不是朋友說也不知荃灣區進駐了這間辛安東，旺角那間一直想試，但始終也沒有時間。下午吃雞似乎有點 heavy , 但來到沒有理由不吃，所以還是點了半隻奶奶雞。大概十五分鐘左右上菜，嚐一囗味道好好，好正。汁有點杰，但不是礙杰那重，厚厚的青瓜片都被煮到極入味，令人無法抗拒。還有薯粉伴底，好味，不能不吃。由於奶奶雞煮得太出色 ，頓然覺得炒菜毫無特色。味道確實也不特別出眾，但味道也不差，可以試試。這𥚃的生菜包和泰國生菜包上碟不一樣，每件在上碟前已經分配好，不得 say no。 個人喜歡吃辣，所以加了辣醬，不知是炮菜的辣還是辣醬，真的好好味。喜歡吃辣的朋友們不妨點這個試試。芝士咖哩年糕賣相不特別吸引，但有超濃沃的芝士配上，好難令人抗拒。但個人覺得份量有點少，吃得不夠𣈱快。可能今天是吃午餐人不算多，所以也沒有人催趕我們，令我們可以慢慢詳談，但若果是晚飯的話，相信九十分鐘內也要埋單走人，讓座給其他客人了。

韓國雞流行了一陣子，單單看名字，以為奶奶雞吃的是大熱來自星星的你的炸雞，原來此雞不同彼雞，沒關係啦試試看。我們大約六點到達，沒訂位也能直接坐下，餐廳燈光光猛，佈置跟時下韓式餐廳差不多。首先上菜的是柚子 Cider！hite 啤酒和杯子分開奉上，杯子裡面有棉花糖及平時沖柚子茶的醬，沖熱飲試得多，冰的還是第一次！喝下去甜甜的，有淡淡的柚子味，掩蓋了啤酒的苦味，不錯！但是值得留意是啤酒足夠喝兩杯，但喝到後來已經沒什麼甜味啦，而且二人桌比較小，所以每人叫一杯已經沒有多少位置放其他食物。然後是牛肉炒飯，就沒什麼特別的炒飯，合格的是飯乾身，飯粒粒分明，味道比較淡，但可接受，如果可以多點牛肉就非常好了！然後是是日精選奶奶雞！我們選的是微辣，偏重口味，味道惹味而不會太辣搶了雞的味道，咬下去不是鮮嫩彈牙的那種，但還好不會太老咬不開。伴碟的是蘿蔔、薯仔和青瓜塊，太大塊咬得比較麻煩，而墊底的類似紅薯粉的麵條沾滿了醬料蠻好味的！