福滿樓 (已結業)

9月22日来了这里饮茶,因妹妹见到这间酒楼的点心好似都几多选择,所以谂住试下,坐系厅房入面,唔使等位,但冷气好细,仕应话系咁架㖞,跟住叫左一碗叉烧咸蛋饭及一碗叉烧濑粉,真的几好味㖞,叉烧都好靓,饭有豉油香味,濑粉都系,个汤系好有味的呀.跟住开始叫点心啦....恶梦开始....迷你点心拼盘,有虾饺,潮州粉果,马拉糕,烧卖,虾饺个皮好厚,马拉糕好实,潮州粉果叫正常的,烧卖都好硬架....之后有生菜,干蒸牛肉,煎肠粉,咸水角,灌汤饺,生菜正常,煎肠粉好似蒸咁,完全冇咩点煎过,好硬唔好味,灌汤饺系好怪的,个饺好大个,但入面既料有些白色一粒粒既嘢,我完全唔知系咩,同埋有些肉之类,但系冇咩味的,好难食呀,个皮超厚㖞....唔识形容系咩味道,干蒸牛肉好大粒的,不过原来系山竹牛肉的加强版,好怪,味道系山竹牛肉,但系个名又叫干蒸牛肉,唔明白点解会咁. 潮州粉果个皮都好厚,入面既料就差唔多咁上下啦,咸水角唔系脆的,系淋的,好似豆沙角咁.好失望的一餐,完全唔知食完系食过D咩嘢呀....同埋唔系真的十分之平啰.