樂湯雞麵館 (登龍街) (已結業)

真系唔会食第2 次。好耐都未试过写食评，但真系忍唔住要差评下。本来谂住食登龙街间山西药膳刀削面。但发现好似执咗，所以见到《乐汤鸡》都有药膳刀削面谂住都可以试下。所以，坐底叫咗一个价值$76的药膳醉鸡刀削面。唔够5分钟已经上菜，但系真系好令人失望。个刀削面系一啲味都冇。好，我忍，试试个醉鸡先。咩事? 个醉鸡都系完全冇味，系完全冇味啊！！净系食到鸡味。从来未试过食醉鸡系一啲酒味都食唔到，食到我都怀疑我味蕾有问题。平事我都唔食太咸，但今次成餐都冇味真令我大开眼界。食完今次真系冇下次。