香江花月 (百誠大廈)

营业中

休息中

见到呢个摆盘咁靓一定要嚟食，叫咗个香江拼，基本上就系牛嘅拼盘，里面有不同部位嘅牛肉、牛舌、黑柏叶、黄喉同埋牛胸油，叫咗一碟金沙青，因为之前睇评语啲网友介绍一定要食，所以就叫嚟试吓，仲叫咗一个叫做花花绿绿，其实就系一个杂菜。饮品我哋叫咗瑰落月同埋星江夜。汤底我哋要咗日本牛乳玫瑰锅。先讲吓个日本牛乳玫瑰锅，顾名思义就系牛奶同玫瑰啦，当然唔止啦，里面仲有半个木瓜，不过其实个汤底牛奶味唔重，玫瑰味亦都唔重，木瓜味就更加唔重😅所以个汤其实好淡，不过又好奇怪㖞，佢同啲牛肉好夹，令到啲牛肉更加甜，我唔知点解，但系我觉得用嚟打边炉佢系好食㗎，斋饮就麻麻。好啦到主角香江拼，屏幕上面嘅所有不同部位嘅牛肉都系好食嘅，有甜味、牛肉味，黑柏叶去做比较大块，比较难咬，唯独是呢个争啲，另外特别推介喺牛胸油，呢个我好钟意食，好香，又有啲爽，唔错唔错。另外一个呢就系啲网友推介嘅金沙青，我觉得佢系一碟厚切嘅猪颈肉，咬落去猪肉好爽，会有啲猪油香，呢个都系好食。花花绿绿就摆盘好靓，好似一个花篮咁，估唔到一个木盒都装到好多种菜，全部菜都系好新鲜。至于饮品卖相又系好靓，不过就算贵（我觉得）因为饮一杯唔够喉，打边炉通常都会饮好多嘢