Boholic

营业中

休息中

Bookmark咗哩间波西米亚风café好耐，今次终于可以试下。餐厅装修得劲靓，宜家仲有Halloween装饰，好多打卡位。晚市好full，如果唔想等位，要book定D位。鸳鸯，好特别嘅饮品，系用咗expresso咖啡搭配埋奶茶雪糕。倒落咖啡入杯，香浓咖啡融入雪糕，饮落唔苦好浓郁。Grapefruit Summer，以苏打水做底，融入多款杂莓果汁，淡淡莓果香味好清爽。芝士焗澳洲薯皮，加入大量芝士入薯仔焗烤，薯仔香甜芝士拉丝，仲可以点埋乳酪酱，味道好丰富。美式BBQ酱烤焗西班牙猪肋骨配洋葱圈，猪肋骨预先腌制过，焗烤得好软嫩，表面BBQ酱鲜甜惹味同猪肋骨好夹。搭配嘅沙律菜好fresh，洋葱圈好脆口TIM。法式焦糖卡仕达梳忽厘班戟，班戟即叫即整，送上来仲热笠笠。班戟整得好松软，同埋蛋味好浓郁。卡仕达酱唔会好甜，奶香味十足同班戟好夹。