影片
更多
2022-11-05
1382 浏览
原本bookmark呢间餐厅，系因为想带狗狗嚟，但早1-2个月前打电话去想订位（下午茶），对方答话冇得订，只可walk in 排队。最后因为山长水远，如果call车去到冇位就扫兴，所以只好搁置。点知，前日朋友提议去食嘢，仲book到第二日1500（下午茶开始时段），所以我实在搞唔清到底个订位制度系点~~今次系我第一次喺度食嘢，之前谂住食下午茶，心态好简单：（1）照顾狗狗，通常食不知味，所以拣经济实惠的时段嚟，只系为咗个景；（2）部分食评话呢度的食物质素麻麻，所以唔想高花费但失望而回。不过，食完今餐，我会再次带埋狗狗嚟光顾架！一行三人，点咗3个下午茶餐（藜麦羽衣甘蓝沙律、照烧鸡汉堡、大虾多士）同餐牌里面的甜品 - 66%朱古力慕丝）。下午茶唔跟饮品，但提供优惠，可加$15点汽水/有机茶或加$30点选择有限的咖啡。我哋就点咗龙眼茶、Cappuccino同Flat White。藜麦羽衣甘蓝沙律系我点的，沙律新鲜，羽衣甘蓝比我喺街市买的爽脆，藜麦就可以增添咬口。沙律的份量作为下午茶好足够。我好钟意个酱汁，系胡椒柚子醋，朋友试过话有啲酸，但我觉得好开胃，亦令到沙律菜冇咁单调。可能我比较重口味，所
今次系我第一次喺度食嘢，之前谂住食下午茶，心态好简单：（1）照顾狗狗，通常食不知味，所以拣经济实惠的时段嚟，只系为咗个景；（2）部分食评话呢度的食物质素麻麻，所以唔想高花费但失望而回。不过，食完今餐，我会再次带埋狗狗嚟光顾架！
一行三人，点咗3个下午茶餐（藜麦羽衣甘蓝沙律、照烧鸡汉堡、大虾多士）同餐牌里面的甜品 - 66%朱古力慕丝）。下午茶唔跟饮品，但提供优惠，可加$15点汽水/有机茶或加$30点选择有限的咖啡。我哋就点咗龙眼茶、Cappuccino同Flat White。
藜麦羽衣甘蓝沙律系我点的，沙律新鲜，羽衣甘蓝比我喺街市买的爽脆，藜麦就可以增添咬口。沙律的份量作为下午茶好足够。我好钟意个酱汁，系胡椒柚子醋，朋友试过话有啲酸，但我觉得好开胃，亦令到沙律菜冇咁单调。可能我比较重口味，所以特别欣赏。
下午茶：藜麦羽衣甘蓝沙律
$108
16 浏览
0 赞好
0 留言
照烧鸡汉堡的摆盘同坊间大大小小的餐厅一样，唔特别，而份量就正常。男朋友食完，赞个照烧汁好味、件鸡嫩滑，就连个包都好好食，所以佢非常满意呀！我都有试过啲薯条，系粗薯条嚟，有部分薯条连薯皮，我觉得好食呀！
下午茶：照烧鸡汉堡
$138
19 浏览
0 赞好
0 留言
大虾多士系另一位朋友点，佢对果几只大虾赞不绝口，食的时候赞，就算食完离开咗间餐厅都赞咗几次。。。虾好大只、爽甜、有鲜味，唔会「霉」。呢个餐睇落去系似个下午茶，份量唔大，但朋友话佢系物有所值。
下午茶：虾多士
$128
31 浏览
0 赞好
0 留言
到我点的Flat White ，坦白讲，我未喺任何一间餐厅/咖啡店，饮过咁细杯的奶啡，真系冇试过，太细杯喇。。。而且冇拉花。我觉得以正价$50嚟讲，应该可以提供更好的质量吧？ 唔知系咪会有人一场嚟到只系点杯咖啡坐，所以餐厅要赚番够本呢？？唉，细都算（真系2啖饮晒），仲要冇乜味添，杯咖啡闻落已经冇乜香味，都唔好话入口的味道喇。
下午茶：Flat White
$30
14 浏览
0 赞好
0 留言
至于龙眼茶，我觉得加$15真系唔贵，同埋如果自己加少少糖，应该更好饮。佢杯茶都几大，之后我将个茶包放入另一杯热水度泡，都仲冲到有色有味！所以，如果真系下午茶加配，建议拣茶，唔好拣啡。
下午茶：龙眼茶
$15
13 浏览
0 赞好
0 留言
66%朱古力慕丝系餐牌里面的其中一款甜品。餐厅的甜品好似全部>$100，价格唔算亲民。我哋见呢个甜品系66%朱古力，所以估佢应该唔太甜，可以一试。 甜品的卖相好靓，几有心思。朱古力慕丝有3件，形状不一，再加啲装饰，砌成一碟，睇落去除咗靓，阵容仲几可观下，令我第一眼已经觉得佢值$128。朱古力慕丝几好味，有朱古力味，唔太甜；raspberry的酸味，能够中和到朱古力的甜腻，亦令到整体的味觉丰富啲。我哋好满意，冇拣错呀！
66%朱古力慕丝
$128
18 浏览
0 赞好
0 留言
66%朱古力慕丝
$128
17 浏览
0 赞好
0 留言
餐厅个景就唔使多讲。我哋平日嚟，下午茶时段人流唔多，感觉好舒服。下次一定要带埋狗狗嚟，希望狗狗都有份去多啲靓的地方enjoy下！另外，有机会都想嚟晚餐，感受下夜晚的气围。
张贴
