影片
更多
2015-04-13
2390 浏览
过去一年我个交友网站平台差唔多每几日就会有朋友帮衬呢间餐厅，每次见朋友们post相都系大赞，亦有唔同人俾好多like佢地，今次终于轮到我地去食啦。由于系订左位，所以唔需要呆等，入到去感觉好causal dining feel，几舒服。水月系食set嘅，入到去选择左自己钟意食嘅主菜就可以开始等食。。。脆米片吞拿鱼腩茸：同网上相片一样都系咁精致，吞拿鱼腩茸非常新鲜肥美，入口有香葱味、樱花虾味，仲有种酱汁混合一齐，连埋脆米饼一齐食好香口，好似食紧多士咁，绝对系一个好开始蛏子皇配黑醋鱼子：呢一个盘景真系佩服哂！艺术品咁原来蛏子皇系放玻璃瓶内，摇匀里面d调味打开锡纸食，个汁有姜味，醋味，同只劲鲜甜蛏子一齐食好好味！最得意系侧面有个喷樽，将佢个汁喷落蛏子度食又变左另一种味道，鲜味又再加强左！而铁匙上面有几粒黑色黑醋鱼子，食完口腔感觉酸酸地，再食蛏子个鲜味好强！呢道食物真系好好食又有得玩！like!!!!!温泉蛋配吉列蟹饼：界开温泉蛋同劲多蟹肉嘅蟹饼一齐食，好似去左日本食野咁，好好食！！蛋上面有鱼子、银薄，成件事好名贵 连侧面d沙律菜都劲新鲜，捞左意大利醋汁好开胃，好食海胆南瓜豆羹：好似平平无奇嘅汤
由于系订左位，所以唔需要呆等，入到去感觉好causal dining feel，几舒服。
水月系食set嘅，入到去选择左自己钟意食嘅主菜就可以开始等食。。。
脆米片吞拿鱼腩茸：同网上相片一样都系咁精致，吞拿鱼腩茸非常新鲜肥美，入口有香葱味、樱花虾味，仲有种酱汁混合一齐，连埋脆米饼一齐食好香口，好似食紧多士咁，绝对系一个好开始
蛏子皇配黑醋鱼子：呢一个盘景真系佩服哂！艺术品咁原来蛏子皇系放玻璃瓶内，摇匀里面d调味打开锡纸食，个汁有姜味，醋味，同只劲鲜甜蛏子一齐食好好味！最得意系侧面有个喷樽，将佢个汁喷落蛏子度食又变左另一种味道，鲜味又再加强左！而铁匙上面有几粒黑色黑醋鱼子，食完口腔感觉酸酸地，再食蛏子个鲜味好强！呢道食物真系好好食又有得玩！like!!!!!
温泉蛋配吉列蟹饼：界开温泉蛋同劲多蟹肉嘅蟹饼一齐食，好似去左日本食野咁，好好食！！蛋上面有鱼子、银薄，成件事好名贵 连侧面d沙律菜都劲新鲜，捞左意大利醋汁好开胃，好食
海胆南瓜豆羹：好似平平无奇嘅汤，精髓原来喺碗底及碗边紫菜夹埋新鲜海胆一齐食，鲜味到晕左！又系好似去左筑地食咁！汤底有个黄豆羹，滑过山水／阿婆果d豆腐花！！南瓜汤竟然系鲜甜架！！好味
黑松露天使面：由于店员推荐所以一试，系小小冻咁食，面好香滑，厨师磨左好多黑松露碎喺上面，好香好正！果然无介绍错！
青柠泡泡：分子料理野，好清新嘅青柠泡泡清味蕾（聪明人先见到。。。哈哈哈！）
北海道黑毛猪肩配八珍山渣汁：呢块黑毛猪猪味好香，肥瘦恰当，厨师烤得好香，非常惹味，亦够份量！
烤美国肉眼扒配黑松露鹅肝和牛卷：肉眼扒烤得好香，好有肉味，肉质稔。侧面粒黑松露鹅肝和牛卷好香口，配埋个黑醋汁食好味！
黑松露焦糖炖蛋：成个造型系靓到不得了！食入口更加系不得了！啖啖炖蛋都有黑松露碎食到！根本无得挑剔
总结系一行6人一致落埋订要再黎食过！今时今日嘅香港，用6百蚊左右可以食到咁新鲜、食物质素咁高、好味又好玩嘅餐厅真系少之有少！食完之后终于明白点解黎之前一定要订位，明白到点解朋友间会公开激赞呢间餐厅啦！作为一个挑剔王，我唯一能挑剔系枝青柠泡泡唔够多，可以俾多一份我。。。哈哈哈！下个月食完再报告俾大家
建议大家d纪念日、生日、特别节庆黎庆祝，另一半一定好开心及难忘
题外话/补充资料：
总结系一行6人一致落埋订要再黎食过！今时今日嘅香港，用6百蚊左右可以食到咁新鲜、食物质素咁高、好味又好玩嘅餐厅真系少之有少！食完之后终于明白点解黎之前一定要订位，明白到点解朋友间会公开激赞呢间餐厅啦！作为一个挑剔王，我唯一能挑剔系枝青柠泡泡唔够多，可以俾多一份我。。。哈哈哈！
下个月食完再报告俾大家:D:D
建议大家d纪念日、生日、特别节庆黎庆祝，另一半一定好开心及难忘！
(以上食记乃用户个人意见 , 并不代表OpenRice之观点。)
张贴
