Yadllie Plate 야들리애플래이트 (兆萬中心)

呢间餐厅值得一试！除了因为六点前结帐有七折优惠，性价比超高外；还因为环境舒适，啱晒我哋几个老友坐耐些。而且食物好食，仲有互动感十足嘅用餐体验，绝对系午市揾靓野食嘅好选择！🏅莫索里拉芝士排骨～店员亲自在枱边开火炉煮芝士，香气扑鼻，睇住溶化嘅芝士包住啖啖肉排骨，食落口简直系幸福爆棚！虽说得三条好似好少，但每条都非常大和厚肉呢。🏅八爪鱼煎饼～边位煎得香脆，内里软嫩，啖啖都食到八爪鱼粒的鲜味，完全系必点嘅小吃。🏅惊喜二重奏炸鸡香脆惹味，配埋烧热石板上嘅西冷牛扒，肉汁锁得岩岩好，两样都令人满足。🏅鲜虾沙律～清新开胃，虾肉爽口，腰果脆口，系大餐前嘅好开始。🏅紫菜手抓饭～就系一个好玩同美味的结尾，自己动手混埋食，感觉特别有趣。