金玡居 (山頂廣場)

营业中

休息中

呢间主打食台湾面，选择多不过碗碗都盛惠$100以上。难得好多款我都好有兴趣试就比个机会佢，坐低都简到有选择困难症🤣-🐮安格斯牛肉麻酱拌面 $98牛肉薄薄地，份量都唔少，配埋爽口青瓜丝一啖接一啖好快食晒。整体好食但系鸡汤面略胜一筹。-🐥原味精炖鸡汤面（配¼只豉油鸡）$98汤底闻落好似臭臭地🌝😂点知饮落恰到好处清清地但系又够味，有惊喜😋豉油鸡唔会好咸，鸡肉好嫩滑，整体配搭💯-🐖松阪猪颈肉 $45好食不过性价比低，师傅刀工好好每一片都片到好薄😂跟个酱酸酸地意外地几夹，本身无乜期望因为猪颈肉烧过之后已经好好食，但系点左酱又好似有将个味道升华到另一个层次🤏🏻-总结：好食但性价比唔高，份量偏少，两个人食完都唔太饱，到此一游，试完其他山顶checklist有机会先encore。