來多碗車仔麵 (康寧道) (已搬遷) 新店位置

去到观塘，虽然面临重建，但仍然都有好多特式抵食嘅铺头。今次路经观塘，见到有间车仔都叫来多碗，又见到有学生系门口，我谂应该系食得过嘅餐厅，所以就入咗去试试啦。入到去，果然好多𩠌可以拣，佢系先拣𩠌再拎埋位食嘅设计，所以基本上拣好就有得食架啦。我就叫咗辣鱼蛋、牛腩、猪血、猪皮同卤水蛋，叫咗个粗面底，仲加咗啲辣酱。猪皮爽口好食，鱼蛋弹牙，牛腩少肥多肉够哂好食，卤水蛋就入味好食，而粗面就煮到岩岩好，唔太淋。最后叫埋杯冻奶茶，为美味一餐划上完美句号。