來多碗車仔麵 (康寧道) (已搬遷) 新店位置

雪姨介紹得一定要去試啦！🤪好好彩可以坐到卡位，位置都闊落，可以同朋友傾下計🤩個人最鍾意豬紅，肥腸，冬菇🥰豬紅好入味😆通菜都比好多☺️魷魚🦑友人都好鍾意🙈鴨血，蘿蔔，面就普普通通，無乜特別🤔因為個豬紅，下次會再去食🤤👏🏻

原來的《來多碗》老闆已經在12/2019冇做，賣了盤生意給合伙人。在1/2020這兩次去食， 原來食開的魔鬼辣醬已經用完。 已經食唔番之前的味道。 現在轉左啲好鹹嘅沙茶醬，加上食物品質下降及加了價！ 不值得再幫襯！食開嘅熟客一定會食得出分别!

原來觀塘近牛頭角有好多餐廳，如果學生來吃午餐有很多優惠。第一次來這間車仔麵，是朋友介紹的，特別之處是他的湯底用上滷水汁，不是一般的味精湯底。還沒進門已經看到很多人在排隊，原來是要先買食物再入座。首先選好麵底再選餸，要辣的話會有一羹類似麵豉味的醬，可以加到湯中，或是點餸。味道則不太辣，如果要辣就要加魔鬼辣醬了。我嘗試了牛腩雞翼幼麵，味道不錯👍🏻另外再點一碗通菜也只是$13，價錢非常實惠，值得來多碗！

係附近翻工想隨便食個晏就搵間車仔麵試下，呢間聽講係以前做左好多年，而家搬左過黎。店舖都算乾淨。-車仔麵黎講價錢都算平，兩餸面只係$28，我地叫左兩個三餸麵($34)，分別係魷魚、豬腸、牛腩同雞翼、咖哩魚蛋、芝士腸，加左一罐忌廉($8)-豬腸好入味又洗得乾淨👍🏻雞翼有2隻，好少車仔麵嗌雞翼唔洗加錢🤣魷魚份量多爽口彈牙😝值得一提的是可加葱加辣，辣醬係自家製，好香又夠辣🔥🔥🔥啱哂喜歡辣的人

這天因為工作的需要前往了觀塘，這次我安排獨獨吃的就是車仔麵，全因為快捷又方便，餐廳位於觀塘的中心地帶，鄰近地鐵站，路程約需五分鐘左右，地理上十分方便和快捷。餐廳位於大廈的地下，招牌一目了然，清晰可見。 內裏裝橫看似簡單，但充滿舊區特色， 加上冷氣充足環境還算不錯。車仔麵最重要就是餸的配搭，這裏提供的種類繁多，這次我不能每種也點，我點選的車仔麵粗麵配搭魚皮餃咖哩魚蛋雞翼。 面質口感佳，軟硬適中，有咬口又彈牙。 但當中令我最驚喜的就是，魔鬼辣椒醬，辣到十級， 喜愛吃辣的朋友定必品嚐。

時代變遷，車仔麵時至今日依然受各年齡層的愛戴。 這間在觀塘開業很久了，不過翻新改名後，仍然以傳統車仔麵作主打，自由選擇多款配料及喜愛的麵底。食客一進餐廳便要決定點什麼，店員隨即煮麵及夾配料。最出色是他們的特製辣醬油，店員豪不吝嗇給食客滿滿的大湯匙份量，看似黑黑的蠔油醬顏色，又沒有紅油或椒絲，以為起初不太辣，但後來越來越出味。公仔麵不用額外加錢，雖不是出前一丁，但反而這種公仔麵更掛湯。綜合友人及我的這次經驗，值得試的車仔餸菜包括：－魷魚挺出色，爽口滑溜，不會韌至難以咀嚼。－咖喱魚蛋入味，雖談不上十分彈牙，但咖喱汁香濃及夠辣。－滷水蛋其實吃過很多店的都不夠味，本著沒太大期望的心態點了這個餸，卻有驚喜。大粒的蛋，蛋白散發滷水香，倒是挺惹味的。另外還點了個小食，豬耳爽口，麻辣過癮，停不了。幾樣餸只是三十多塊錢，小食都是二十多元，性價比高。

再到觀塘出差，做野前一定醫飽自己先啦～ 平時求其附近食就算啦～但今日想走遠一點，話唔定會見到不一樣既風景。遊遊下就見到來多碗車仔麵，未試過喎，就入去啦～ 油麵，麵底份量大，餓底信義妹都夠食。 冬菇軟稔滑入味，大頂冬菇口感豐厚。 豬腸清潔有做好，唔會有羶味，味滷水味適中。豬紅唔會淡而無味，少少鹹。 本身無諗住叫魷魚架，但到店之後，見到帶點辣，即時兩眼發光，即點!爽脆!醬汁調節得宜，唔會因為浸咗湯就無曬味。 呢度既辣有分兩種祕製辣醬和魔鬼辣醬。 祕製辣醬帶少少甜，味濃，混入湯就可以提升味覺層次。 魔鬼辣醬近似麻辣辣油，再加蒜香味重。如果你喜歡嘗盡天下辣就記得兩隻都要試下啦！地址  觀塘康寧道62號地下

星期六反半日，放都3點啦，心血來潮就行去觀塘食個車仔面，算係輕食掛😝😝可能下午茶時間唔多人，都唔洗等位，同一般車仔面一樣，都係門口叫送，其實呢樣真係唔錯，睇到曬想食啲咩，有咩吸引，有時唔覺意叫多幾個送添我叫左米線牛腩蘿白雞翼，我估都係車仔面必食既送米線剛剛好，唔會話煮同太淋或者唔熟，都qq地牛腩，切到一粒粒，方形，可能係方便煮淋同入味，不過又真係唔錯，全部都咬到食到，唔會話要原粒入肚，very good蘿白，我每次都會叫，呢個好甜，又無渣，十分入味，份量多又大舊，抵食雞翼好似都3隻，煮到已經好淋，有鹵水味，唔會話得個鹹字環境都好乾淨，食客走左，員工都即收拾好👍👍👍

又到放飯時間， 今日下午想食車仔麵， 到來多碗車仔麵吃午飯。 車仔麵一向都深受港人愛戴，起源於上世紀六十年代，香港街頭用流動小販車上販賣的一種麵食，流動的熟食攤檔是街頭的常見之物。車仔麵的常見配料有豬紅、蘿蔔、豬皮、魚蛋、 豬大腸、雞翼等等平價菜式，供顧客自由選擇搭配。今次與同事一人一碗平靚正車仔麵，一麵四餸$40 ＆一麵五餸$46。 我就要豬紅，魷魚，蘿蔔和豬大腸，米粉。 同事就要魚蛋， 韮菜餃，豬皮，牛腩和牛肚，油麵， 然後我哋交換啲餸嚟一齊食。豬紅～ 非常入味又好食， 車仔麵必點！魷魚～ 新鮮爽口。蘿蔔～又林又甜，超入味又冇根。 豬大腸～ 洗得好乾淨， 厚切有咬口。魚蛋～ 細細粒，好彈牙。韮菜餃～ 餡料豐富， 韭菜香口。豬皮～ 非常入味。牛腩～ 炆得好林， 一啲都唔硬。牛肚～ 同牛腩一樣都係炆得好林，口感爽口。呢度仲有魔鬼辣醬和秘製辣醬可以試下， 兩款嘅辣度都唔同， 魔鬼辣醬帶有少少麻香味， 秘製辣醬就是微辣帶香味道，我個人喜愛秘製辣醬多一點，配上車仔麵的湯底，絕對是滋味無窮！這裏的價錢經濟實惠又好味，絕對是我成日來吃的原因。

今日午餐去咗食車仔麵😋一行兩人整咗個大碗麵非常豐富揀咗腸仔，咖喱魚蛋，午餐肉，豬耳，滷水蛋兩隻及豬紅😋叫左六個餸。再加多碗 韭菜豬肉湯餃😋😋豬耳十分爽口分量又夠多👍滷水蛋好入味👍👍連個蛋黃都充滿左滷水汁嘅味道😋同埋午餐肉又夠厚同好味，唔似出面某d既鋪好難食又薄片🙈價錢又平六個餸都係$53咋十分抵食另外再叫多咗個韭菜豬肉湯$38每一隻都大大粒好足料即叫即煮唔係一早煮好晒林啤啤嗰啲，同埋應該係自家製造嘅因為食得出有少少唔同喺超市買到嘅味道😋😋😋

🐽 四餸車仔麵 $40呢碗叫左四個餸，包括豬腸、豬皮、魷魚同蘿蔔😆1.豬腸偏肥，細細舊，洗得乾淨，好淋唔會韌2.豬皮就入味，有咬口，但有幾舊有好多毛3.魷魚爽口彈牙，辣辣地👍🏻4.蘿蔔清甜入味，唔會苦，好大舊，但有一兩舊有少少渣••••••••••••••••••••••••••••••🐽三餸車仔麵 $34另外呢碗就叫左豆卜、豬紅同魷魚🤩1.豆卜好好味🤤，裏面唔係空氣，係真係好厚真，索哂啲湯2.豬紅冇腥味，夠結實••••••••••••••••••••••••••••••湯底清甜，唔會太鹹，加埋個秘製辣醬好惹味，個醬香而不辣😍推介既餸係魷魚、豆卜、豬紅同豬腸👍🏻

車仔麵一向都是香港的特色美食，這次試一試有很多間分店位於觀塘的來多碗車仔麵。這間店舖採用懷舊下單的方式，一入門口就可以看見各式各樣的餸菜擺放在面前，客人可於門口下單，很有特色。一碗豬腸、雞翼、豬耳和牛腩米粉，另一碗則叫了豬腸、魷魚及雞翼尖河粉。湯底清甜，配上特製辣汁非常惹味。不過略嫌份量比較少，食量大的人建議加大。另外散叫了一份麻辣鴨血和大分魷魚，鴨血很嫩滑，配上韭菜非常惹味，好味。魷魚易配上自家製辣汁，但會咬不開。

車仔麵本身唔係咩貴價食材，但係偏偏就可以考驗到餐廳對食材準備既用心~ 這間餐廳的食材整體處理得很乾淨，環境又闊落，吸引不少客人前來品嚐☺️——————————🔸一麵四餸 $40 1. 牛肚/豬皮/蘿蔔/魚皮餃 粗麵每次食車仔麵一定會叫豬皮蘿蔔☺️豬皮唔會煲到太淋而冇咬口，而且好入味；蘿蔔用冰糖煲到好甜，完全沒有苦味，食落爽口無渣👍🏼；牛肚煮得夠林，不痴牙，不錯😋；魚皮餃則普普通通。粗麵麵質偏硬，但都索滿腩汁的味道，好食❤️2. 牛腩/牛肚/魷魚/雞翼 河粉牛腩剪到一口size，非常細心，煮得軟腍入味😋；魷魚彈牙爽口；雞翼同樣煮得好入味，正! 河粉比粗麵更加索汁，鍾意濃味嘅朋友就啱晒😁秘製辣醬香而不辣，同車仔餸好夾，令原本的腩汁湯底更濃郁👅

車仔麵是一種源於香港1950年代的麵食，由於香港當時經濟尚待發展，居民謀生困難，香港的街頭便湧現了一些流動攤販推著改裝手推車販賣咖哩魚蛋、蘿蔔及粉麵等熟食。食客可自由選擇麵種、湯汁及配料，價格便宜，極受歡迎，也因此叫做車仔麵。它有價廉物美的美德，是深得香港人歡心的庶民美食。我一向都鍾意食車仔面，因為可以食到好多款餸，也使我回味無窮。點了四個餸，雞翼入味不過鹹，豬手軟腍、蘿蔔清甜沒有渣。辣汁配爽滑魷魚，幼身入味，值得一試。

近排好鍾意食車仔麵所以就去咗試吓來多碗一定要試吓豬腸豬紅先試得出真味道入左前排隊買車仔麵食食完人地幫你攞埋位不過講味道之前我個人覺得呢度嘅車仔麵一般因為份量較少 及辣醬唔夠辣不過價錢真係幾抵$28兩餸豬腸好爽口洗得乾淨豬紅就一般有啲硬 唔夠滑身真是普通水平 可能係以價錢吸客月尾無咩銀 去食一碗都頂到下肚既