蓮苑 (已結業)

然午餐黎到尖沙咀，的起心肝试下呢间莲苑先。开左一排嫁喇，不过见佢食既野好似大品牌个啲粥面舖咁，的唔起心肝入去食。星期六都有午市套餐餐牌，7个小菜占左4个都系牛，唔食牛既朋友选择会小啲啰。仲有散叫，餐牌同甜品餐牌。睇落去价钱偏贵，等等睇埋佢份量先。我地叫左午市套餐既葱油龙江鸡&四川辣子鸡丁。先睇龙江鸡，$88有跟白饭同餐饮，份量算正常。鸡肉滑既，好味㖞！👍🏻然后辣子鸡丁，个样.....好乱，鸡系得7旧既，仲要无咩肉个只....$88份量会唔会太少？！味道系好既，好惹味好好味！不过份量咁少真系食到到喉唔到肺....餐饮大杯呀，不过杯咖啡好稀，咖啡水啰。饮左半杯已经顶唔住。食完好唔满足唔饱咁，有饭比你都无𩠌送😫仲要$88个餐，好食既，但价钱真。偏贵，我真系唔理解。试过一次算啦。