福助居日本料理 (已結業)

系芬尼街个间日本餐厅转左手后，就无左烧鲭鱼食，系openrice 见附近系呢到有得食，所以嚟试下！叫左个烧鲭鱼定食，有汤，舖面唔算好大，目测80呎左右，坐到12个人左右，但有两部天花嘅冷气机，未有野食前一直吹住个头好辛苦，但个姐姐话上星期只开一部，有客人食到好热，我转左位，都仲系吹住，我发觉店舖太细，应该坐边个位都系吹住，后来有其他食客要求，店员先将冷气吹高d～等左一阵有汤饮，饮住热汤都仲好冻，到鲭鱼上枱，见一开始系热的，但好快都吹冻晒，越食越无心机，因为真系好冻，唯有拿拿临食完走人！下次如果要去再食，一系外卖，一系著件有帽嘅外套先得，唔系吹到病左真系得不偿失！