影片
更多
2024-10-15
437 浏览
#勇记海南鸡 早几年前已经听闻喺红磡非常出名嘅勇记海南鸡喺上环开分店，当时有唔少媒体报导，有次行过未开门都见到人龙，真系怕咗。之前行过见佢冇乜人排队，就谂住去试下。以防万一都系十二点前去到，真系唔使排，不过就一定要搭枱，因为都已经有好多客，虽然店舖好似好忙，但店员认真mode得嚟仲保持到基本礼貌，唔系一味话忙赶客咁款。两大名物泰式海南鸡饭同椰子鸡汤$66，汤系好够热，啲烟系咁涌出嚟，好多椰子不过好硬食唔到，但离远都闻到有椰子香。鸡汤非常浓郁好够味，留意到应该系接近全场都叫椰子鸡汤。期待已久嘅海南鸡饭，海南鸡斩得够大件亦比得几多，唔同部位都有，最正当然系鸡髀位，但空口食一啖有种白切鸡嘅感觉，除咗鸡翼比较入味，其他底味比较淡，味嘅来源嚟自泰式辣酱，够辣惹味好食。本身对勇记都有啲期望，因为曾经被形容为海南鸡天花板，今次食过确实系好食，但未至于神级，嫩滑程度同底味调教未算最好。加上环境唔大名副其实系一间小店，坐得唔算舒服食完就要走。勇记海南鸡上环苏杭街102号江宁大厦地舖
早几年前已经听闻喺红磡非常出名嘅勇记海南鸡喺上环开分店，当时有唔少媒体报导，有次行过未开门都见到人龙，真系怕咗。之前行过见佢冇乜人排队，就谂住去试下。
以防万一都系十二点前去到，真系唔使排，不过就一定要搭枱，因为都已经有好多客，虽然店舖好似好忙，但店员认真mode得嚟仲保持到基本礼貌，唔系一味话忙赶客咁款。
两大名物泰式海南鸡饭同椰子鸡汤$66，汤系好够热，啲烟系咁涌出嚟，好多椰子不过好硬食唔到，但离远都闻到有椰子香。鸡汤非常浓郁好够味，留意到应该系接近全场都叫椰子鸡汤。
期待已久嘅海南鸡饭，海南鸡斩得够大件亦比得几多，唔同部位都有，最正当然系鸡髀位，但空口食一啖有种白切鸡嘅感觉，除咗鸡翼比较入味，其他底味比较淡，味嘅来源嚟自泰式辣酱，够辣惹味好食。
本身对勇记都有啲期望，因为曾经被形容为海南鸡天花板，今次食过确实系好食，但未至于神级，嫩滑程度同底味调教未算最好。加上环境唔大名副其实系一间小店，坐得唔算舒服食完就要走。
勇记海南鸡
上环苏杭街102号江宁大厦地舖
海南鸡饭
$66
57 浏览
0 赞好
0 留言
张贴
