無印良品 (已結業)

今日行过无印良品，谂住试吓餐饮部，都几惊喜，食物质素唔错，价钱都合理。全日轻食套餐（纯素早餐）：炒牛蒡菠菜、烤大蘑菇、烤马铃薯、牛油果、车厘茄、新鲜谷物。玫瑰花茶（热饮）。我觉得价钱都唔算好贵，比起出边我觉得价钱合理因为食物质素几高。所有食物都好新鲜，虽然我唔太钟意蘑菇，但食落都唔错。我觉得炒牛蒡菠菜最好食，调味比较简单，食得出食材嘅新鲜。食物份量都几饱肚。新鲜谷物都几好食，虽然有少少冻，甜到刚刚好，水果都食得出系新鲜。