尚小館 (已結業)

星期五竟然要加班😖，做完嘢差唔多八点半，行咗去长沙湾𠮶边松下同睇吓有乜食。行到福荣街尽头，见到有间上海嘢「尚小馆」，好多人帮衬，而且又未收舖，仲肯做我生意，咁就入去啦😉。店舖细细，座位唔多，坐满街坊熟客，厉害厉害👍。餐厅用隔板将餐枱分开，食客食得安心。餐厅定价超抵，$4X一个饭或面仲送嘢饮，就算砂锅云吞鸡都只售$68，简直系益街坊。基本上你唔会揾到有任何嘢系过$100‼️，傻的吗？由于夜食嘢，所以我主要食𩠌而已。不过𩠌嘅份量超多，要多碗饭就真系未必食得哂，而家咁样已经好饱🤰。红烧牛肉菜饭($44)，🐮红烧牛肉有好多件，而且每件都好厚身，唔系平日薄薄一片，食落好有嚼劲，因为同时食到肉同筋，但其实牛肉系煮得好淋同好入味的。另外，牛肉旁仲有几片生菜，有意外惊喜。菜饭要加$2，抵加啦，菜饭有好多菜粒🍚，而且好够味。食落你唔会觉得菜还菜、饭还饭。醉鸡肶($45)，未清楚见到碟鸡，已经闻到酒香。🍗鸡肶好大件，卖相吸引，上碟好整齐，有放左右两边。本身以为得一边鸡肶，仲觉得好贵，点知完全相反。鸡肉嫩滑，带有浓浓酒味🍶，内里够熟，鸡皮无毛，好好食，必食推介！麻辣云吞($28)，云吞有六粒🥟，饺皮偏厚，唔易