影片
更多
2018-11-14
655 浏览
见到好多人近排都推荐呢间餐厅，而且知道呢间餐厅嘅生蚝非常出名，平时钟意食生蚝嘅我哋决定book位过嚟一试 。一入到间餐厅已经好想喺度食返餐浪漫嘅晚餐 ，灯光柔和昏暗 ，枱面上面有蜡烛， 最适合情侣撑枱脚， 因为气氛真系非常romantic， 亦都适合月友或者一家人舒舒服服咁一齐享受。佢畀咗个餐牌我哋睇 ，有好多选择 ，冷头盘，热头盘 ，pizza ，酒， 主菜，pasta同 甜品都有好多选择， 有好多野都想食， 最令人兴奋嘅就系有好多款生蚝拣添！ 我哋叫咗两款生蚝嚟试下 ，大啲𠮶只系西班牙生蚝 Spanish Rock，一睇落去真系吓亲我 ，因为我都未见过咁大只咁肥美嘅生蚝， 无论配唔配柠檬汁一齐食，都食到佢嘅鲜味 ，而且成啖食落去真系啖啖肉 ，再加上突出嘅海水味同埋清新嘅蚝味 ，真系好满足呀。 我哋仲叫咗南非生蚝 Rollex ，食落去好creamy， 虽然冇西班牙生蚝咁大只 ，但系佢嘅味道层次感好丰富， 而且口感都唔错。 呢只蚝相对上少d海水味，新鲜嘅蚝味十足。食蚝一定要叫白酒，我哋叫咗智利出产嘅白酒嚟饮， 一啖蚝一啖酒 ，味觉层次感立即提升 ，因为食完蚝之后饮咗一啖酒 ，就会有种
一入到间餐厅已经好想喺度食返餐浪漫嘅晚餐 ，灯光柔和昏暗 ，枱面上面有蜡烛， 最适合情侣撑枱脚， 因为气氛真系非常romantic， 亦都适合月友或者一家人舒舒服服咁一齐享受。
佢畀咗个餐牌我哋睇 ，有好多选择 ，冷头盘，热头盘 ，pizza ，酒， 主菜，pasta同 甜品都有好多选择， 有好多野都想食， 最令人兴奋嘅就系有好多款生蚝拣添！
海胆红虾，生蚝
8 浏览
0 赞好
0 留言
我哋叫咗两款生蚝嚟试下 ，大啲𠮶只系西班牙生蚝 Spanish Rock，一睇落去真系吓亲我 ，因为我都未见过咁大只咁肥美嘅生蚝， 无论配唔配柠檬汁一齐食，都食到佢嘅鲜味 ，而且成啖食落去真系啖啖肉 ，再加上突出嘅海水味同埋清新嘅蚝味 ，真系好满足呀。
我哋仲叫咗南非生蚝 Rollex ，食落去好creamy， 虽然冇西班牙生蚝咁大只 ，但系佢嘅味道层次感好丰富， 而且口感都唔错。 呢只蚝相对上少d海水味，新鲜嘅蚝味十足。
食蚝一定要叫白酒，我哋叫咗智利出产嘅白酒嚟饮， 一啖蚝一啖酒 ，味觉层次感立即提升 ，因为食完蚝之后饮咗一啖酒 ，就会有种蚝嘅余香喺口里面酝酿，完全系high class嘅享受！
隔离系海胆虾， 系全晚嘅精华之一 。佢用新鲜嘅虾刺身嚟整 ，上面铺满海胆 ，仲加咗啲三文鱼子上去 。只虾非常大只，我选择一淡食晒落去 ，三样咁新鲜嘅食材一啖食咗，𠮶种感觉真系难以形容。 先讲海胆，真系非常新鲜，仲有种甘香嘅味道喺度， 佢配埋三文鱼指令到成个口感多咗好多汁， 虾嘅鲜味亦都食到 ，配埋青瓜同紫菜就更加可以将个口感提升至另一个层次，好fresh， 真系未试过食过咁好味嘅海胆刺身虾 ，如果嚟呢度食嘅话就真系一定要试下喇。
意式香草蕃茄多士
$69
10 浏览
0 赞好
0 留言
呢个香草蕃茄多士真系意想不到地好味 ，佢番茄同埋香草嘅比例啱啱好， 上面仲有啲油份喺度，仲食到少少蒜蓉嘅味道 ，所有材料加埋真系配搭得几好 ，而且食落去都几开胃，配埋个包简直系一流，因为个包 嘅非常脆口， 包嘅脆口再加上番茄嘅爽口， 真系绝配。
香蒜白酒煮蚬
$129
13 浏览
0 赞好
0 留言
呢个系香蒜白酒煮蚬，个汁嘅味道我从来都冇试过，个蒜头味同蚬嘅味道竟然好配合，食蚬𠮶阵连埋蒜头一齐食好香口，仲食到少少白酒吧余香。另外，佢嘅肉质弹牙，而且每只蚬都好似一蚊硬币咁大，真系大满足！
海胆意大利饭
$199
13 浏览
0 赞好
0 留言
黎到好邪恶嘅海胆risotto，个饭系舖满咗海胆酱，中间仲摆满咗新鲜嘅海胆，有d紫菜碎喺上面，可以令到个饭冇咁溜。以往喺其他餐厅叫海胆，一下子就已经食晒，但系今次就一定冇呢个烦恼，成碟海胆risotto 可以慢慢叹，舖满嘅海胆慢慢享受，平时我地都好细食，一食呢个risotto就已经食唔停嘴，好快食晒！
炭烧加拿大天然猪鞍
$199
24 浏览
0 赞好
0 留言
呢个加拿大猪鞍有成只手掌咁大，用炭烧嘅煮法，可以见到佢非常厚身。佢个酱汁都调配得唔错，同个猪鞍好夹。个猪鞍嘅油份同肉质比例啱啱好，唔会太肥腻，但系食落又会有松口嘅感觉，嫩口之余又食到炭烧嘅香浓味道，大赞！
香蕉拖肥批
$59
12 浏览
0 赞好
0 留言
呢个甜品可以话为晚餐画龙点精，就系香蕉拖肥批！可以分为四层，香蕉上面嘅口感好creamy，下面𠮶层系拖肥，最底层系饼底。每一啖都四层一齐食，口感当然丰富，有上层嘅creamy，香蕉嘅硬，拖肥嘅浆口，饼底嘅松脆，仲可以配埋隔离嘅oreo碎黎食。味道方面， 我起初会以为好甜好溜， 点知食落去会有好清新嘅感觉， 可能系因为有香蕉喺度 ，上面啲生果仲可以配埋一齐食，一啲都唔溜，再加上拖肥嘅份量啱啱好，所以唔会食到餍，而且好开胃添！
总括嚟讲，呢间餐厅整体嘅质素好高，食物一定有保证 ，无论系卖相，香味定系味道都系好高质素，而且环境方面真系冇得输，再加上服务嘅质素我好满意，除咗好有礼貌之外 ，每次食完一度菜之后，佢都会帮我哋换碟同埋换刀叉，好细心好体贴。加上呢度地点方便，好近地铁站，隔离又有得泊车，真系值得黎试！
张贴
