班戟館 (已結業)

前排又去咗食屯门好出名嘅班戟馆，其实都已经光顾过好多次，但难得地佢哋嘅水准每一次都可以维持到，值得一赞。逢星期五先有嘅👉🏻巨人👈🏻，即系三层souffle pancake叠埋一齐，绝对唔系虚张声势。每一层都做得好细致，蛋香味好浓郁，质感细滑，介乎班戟与梳乎厘之间，有种食落会弹下弹下嘅感觉。枫糖口味其实就系原味班戟，配上枫糖浆，旁边仲有忌廉同埋雪糕。我每一次都会将雪糕换第二款口味，蓝莓芝士就系我嘅最爱！有忌廉芝士嘅咸香，又有蓝莓嘅酸甜，真系食到停唔到口！